Курсант аўташколы выехаў на сустрэчную

Источник материала:

У Мiнску каля дзесяцi гадзiн ранiцы на Партызанскiм праспекце вучэбны аўтамабiль, якiм кiраваў 24-гадовы курсант аўташколы, трапiў у дарожна-транспартнае здарэнне.

Паводле звестак аддзела па агiтацыi i прапагандзе ДАІ ГУУС Мiнгарвыканкама, вучэбныя "Жыгулi" пры перастраеннi з першай на другую паласу руху занесла, i аўтамабiль выехаў на сустрэчную, дзе сутыкнуўся з "Опелем". У вынiку здарэння пацярпеў 55-гадовы майстар, якi атрымаў чэрапна-мазгавую траўму лёгкай ступенi цяжкасцi i пералом касцей пальцаў на левай руцэ.

У гардэробе харчаблока Ганцавiцкай бальнiцы пабываў невядомы i абакраў траiх супрацоўнiц бальнiцы. Выкраў кашалькi з грашыма, а ў адной прыхапiў i пашпарт. Мiлiцыя ўстанавiла, што злодзей жыве ў вёсцы Ганцавiчы i затрымала яго.

Тры разы стрэлiў з пiсталета ў беспрацоўнага жыхара Полацкага раёна яго знаёмы. Пацярпелага шпiталiзавалi ў полацкую гарадскую бальнiцу. Перад стральбой мiрна сядзелi ў дачным домiку ў вёсцы, выпiвалi. Пасварылiся. "Раптам" аргументам у спрэчцы стаў пiсталет (мяркуюць следчыя, што гэта "ТТ"). "Стралок", дарэчы, потым выкiнуў зброю ля аўтазаправачнай станцыi. На момант падрыхтоўкi публiкацыi пiсталет шукалi пры дапамозе ваенных... Самога "стралка" затрымалi.