Дачныя ўчасткі можна прадаваць незалежна ад наяўнасцi на iх пабудоў

Источник материала:

Дзяржаўныя акты, якiя пацвярджаюць права ўласнасцi на зямельныя ўчасткi ў садоўнiцкiх таварыствах, выдадзеныя да ўступлення ў сiлу ўказа Прэзiдэнта Беларусi № 58 "Аб некаторых пытаннях адабрання i прадастаўлення зямельных участкаў" ад 28 студзеня 2006 года, сапраўдныя, i нiякае дадатковае пераафармленне не патрабуецца. Аб гэтым паведамiў ў час оnlinе канферэнцыi на сайце БЕЛТА намеснiк старшынi Дзяржаўнага камiтэта па маёмасцi Андрэй Гаеў.

Зямельны ўчастак у садоўнiцкiм таварыстве можа быць або ў пажыццёвым спадчынным валоданнi, або ў прыватнай уласнасцi. Калi ён знаходзiцца ў прыватнай уласнасцi, то яго можна прадаваць незалежна ад таго, цi ёсць на гэтым участку якiя-небудзь пабудовы або ён свабодны. На ўчасткi для садаводства i агароднiцтва патрабаванне абавязковай наяўнасцi на зямельным участку дома або пабудоў не распаўсюджваецца, падкрэслiў Андрэй Гаеў.

Іншая справа, калi ўчастак знаходзiцца ў пажыццёвым спадчынным валоданнi ў члена садоўнiцкага таварыства. "Гэта значыць, што ўчастак застаўся ва ўласнасцi дзяржавы — у спадчыну перадаць яго можна, а прадаць iншаму грамадзянiну нельга, — сказаў намеснiк старшынi Дзяржкаммаёмасцi. — Людзi павiнны ведаць: калi ў iх няма неабходнасцi ў далейшым выкарыстаннi ўчастка, то трэба падаць заяву ў райвыканкам аб адмаўленнi ад яго, а грамадзянiн, якi хоча атрымаць зямельны ўчастак, павiнен напiсаць сустрэчную заяву. Пасля гэтага райвыканкам прыме адпаведнае рашэнне".

Зямельны ўчастак у вёсцы, плошча якога перасягае 25 сотак, наследнiкi, пражываючыя ў горадзе, могуць атрымаць на праве арэнды. Для абслугоўвання дома ў сельскiм населеным пункце дапушчальна выкарыстоўваць зямельны ўчастак да 25 сотак. Калi ён перасягае гэту плошчу i ёсць якiя-небудзь гаспадарчыя пабудовы або шматгадовыя насаджэннi, якiя прыраўноўваюцца Грамадзянскiм кодэксам да нерухомай маёмасцi, то неабходна замацаваць за гэтым зямельным участкам адпаведнае абслугоўванне. Калi наследнiкi не прапiсаны i не зарэгiстраваны ў сельскiм доме, атрымаць зямельны ўчастак больш як 25 сотак яны могуць на праве арэнды — для абслугоўвання саду, гаспадарчых пабудоў i для сельскагаспадарчага выкарыстання...