...

Источник материала:

Брэсцкая мiлiцыя расследуе факт крадзяжу грошай у адным з банкаматаў абласнога цэнтра. Рабаванне адбылося ноччу, не выключана, што скрадзена дастаткова вялiкая сума грошай. Аб факце ўзлому банкамата i крадзяжы грошай у мiлiцыю паведамiлi супрацоўнiкi банка. У будынак зламыснiкi прабралiся праз акно. На месцы здарэння аператыўнiкi знайшлi сарваны навясны замок металiчных кратаў, узламаныя ралеты. Замок банкамата выкрадальнiкi ўскрылi пры дапамозе газазваркi. Узбуджана крымiнальная справа, вызначана кола падазроных, праводзiцца комплекс следчых дзеянняў.

Раней судзiмы 22-гадовы мiнчанiн за разбiтае акно ў сваёй кватэры забiў патэльняй 21-гадовага беспрацоўнага. Пацярпелы позна ўвечары iшоў у госцi ў адну з кватэр у Серабранцы. Пад’езд быў зачынены, ён пачаў званiць па дамафоне ў кватэру на першым паверсе, дзе кампанiя распiвала спiртное. Упусцiць яго не захацелi, i тады пацярпелы разбiў акно кватэры. Пасля гэтага яго ўпусцiлi не толькi ў пад’езд, але i ў кватэру. Падчас бойкi ён атрымаў удары патэльняй па галаве i памёр ад чэрапна-мазгавой траўмы. Узбуджана крымiнальная справа.

Былы намеснiк галоўурача па арганiзацыйна-метадычнай i iдэалагiчнай рабоце Гродзенскай абласной бальнiцы асуджаны за махлярства i хабар. Такiм было канчатковае рашэнне Гродзенскага абласнога суда. Сёлета ў лютым Д. Лучына быў асуджаны Ленiнскiм судом г. Гродна да 6,5 года пазбаўлення волi з канфiскацыяй маёмасцi за падбухторванне да дачы хабару, завалоданне грашыма грамадзян у суме звыш Br10 шляхам махлярства i неаднаразовае атрыманне хабару ад падначаленых за падаўжэнне працоўных кантрактаў. Лучына падаў касацыйную скаргу, аднак абласны суд пакiнуў рашэнне ў сiле.

Непрацуючы жыхар Баранавiчаў 1965 г.н. затрыманы за незаконныя валютныя аперацыi. Пры сабе ён меў $13 тыс. i Br36,5 млн. На яго складзеныя адмiнiстрацыйныя пратаколы, яму пагражае штраф ад 50 да 300 базавых велiчыняў з канфiскацыяй грашовых сродкаў.

Пяць гадоў пазбаўлення волi пагражае "тэлефоннаму тэрарысту" з Лунiнецкага раёна. Жыхар пасёлка Палескi абвiнавачваецца ў тым, што ў п’яным выглядзе ў гадзiну ночы ён патэлефанаваў па нумары "102" i зрабiў заведама iлжывае паведамленне аб выбуховай прыладзе, закладзенай у Палескай СШ. Падазроны затрыманы.

Падчас аперацыi па выдаленнi ракавай пухлiны мозгу хiрург з Неапаля перанёс iнфаркт. Асiстэнты прапанавалi яму тэрмiнова спынiць аперацыю i самому накiравацца ў бальнiчную палату. Аднак доктар катэгарычна адмовiўся кiнуць пацыента недалечаным, бо гэта паменшыла б яго шанцы на паспяховае выздараўленне. Нягледзячы на вельмi моцны боль, хiрург зрабiў усё, што было патрэбна, i толькi пасля гэтага згадзiўся прыняць дапамогу. Зараз абодва — урач i пацыент — iдуць на папраўку, бо, нягледзячы на дрэннае самаадчуванне, хiрург найлепшым чынам зрабiў манiпуляцыi, якiя вымагаюць ювелiрнай дакладнасцi.

Кiтайскiя марксiсты маюць намер паставiць мюзiкл па самым вядомым камунiстычным трактаце — "Капiталу" Карла Маркса. Па меркаваннi аўтараў iдэi, тэорыя Маркса, надрукаваная яшчэ ў 1867 годзе, вельмi актуальная ва ўмовах цяперашняга эканамiчнага крызiсу. Рэжысёр пастаноўкi ўзбагачае твор сучаснымi элементамi шоу. Сюжэт мюзiкла будзе разгортвацца вакол групы офiсных працаўнiкоў, якiя даведваюцца, што iх бос эксплуатуе iх. На думку пастаноўшчыкаў, модная i цiкавая пастаноўка верне да жыцця эканамiчная тэорыi Маркса. Прэм’ера шоу адбудзецца налета ў Шанхайскiм цэнтры драматычнага мастацтва.

У Сан-Дыега (амерыканскi штат Калiфорнiя) п’яны вадзiцель выпадкова дапамог палiцыi выявiць хатнюю плантацыю марыхуаны. Знаходзячыся за рулём пазадарожнiка, мужчына ўрэзаўся ў дом свайго суседа i прабiў у сцяне дзiрку. Палiцэйскiя, якiя прыехалi на месца здарэння, выявiлi ў памяшканнi больш за 20 гаршчкоў з кустамi марыхуаны. У доме ў гэты час нiкога не было. Па словах суседзяў, гаспадары паехалi на некалькi дзён катацца на горных лыжах.