...

Источник материала:

Завяршылася ацэнка кантрабанднага грузу, якi пiнскiя памежнiкi затрымалi 22 сакавiка каля населенага пункта Лелiкава, у трох кiламетрах ад дзяржаўнай мяжы. На павозках зламыснiкi, якiя збеглi пры затрыманнi, везлi з Украiны цяляцiну i швейную фурнiтуру. Акрамя таго, у ходзе вышуковых мерапрыемстваў у Кобрынскiм раёне ў кiламетры ад мяжы было выяўлена месца складзiравання тушаў цяляцiны i фурнiтуры для шыцця. Усяго было адабрана больш за 40 тушаў цялят агульным коштам у Br24 млн i 40 скрынак фурнiтуры, якая пацягнула на Br522 млн. Кошт абедзвюх павозак, кiнутых зламыснiкамi — Br800 тыс.

Швейцарскiя банкi забаранiлi сваiм кiраўнiкам выязджаць нават у суседнiя краiны — Францыю i Германiю — апасаючыся арыштаў на хвалi скандалу, якi разгараецца вакол захавання банкаўскай тайны. Сутнасць у тым, што ў сярэдзiне 2008 года падкамiтэт па расследаваннях сената ЗША апублiкаваў даклад, у якiм сцвярджалася, што еўрапейскiя банкi дапамагалi багатым амерыканцам хавацца ад падаткаў. Амерыканскiм грамадзянам нiбыта ўдалося такiм чынам схаваць ад падаткаабкладання $1,5 трлн i недаплацiць у казну каля $100 млрд. Швейцарскiя банкiры сваю вiну ў гэтым прызналi i былi вымушаныя згарнуць афшорныя паслугi.

Жыхар Пiткяранцкага раёна Карэлii заплацiў сваёй 7-гадовай дачцэ 2 тысячы рублёў у якасцi кампенсацыi маральнай шкоды пасля таго, як выцяў яе папругай. Мужчына адлупцаваў дзiця ў лiстападзе 2008 года; потым супраць яго была ўзбуджана крымiнальная справа, якую пазней спынiлi за прымiрэннем бакоў.

Сью Тэры i Сью Пуп, мацi i цешча англiйскага футбалiста "Чэлсi" Джона Тэры, былi затрыманыя за крадзеж адзення i прадуктаў харчавання на агульную суму ў 800 фунтаў стэрлiнгаў. Скрадзеныя тавары былi знойдзены ў машыне жанчын, калi тыя накiроўвалiся ў гандлёвы цэнтр па новую здабычу. Калi iх затрымалi, жанчыны не змаглi зразумела патлумачыць свае паводзiны. Вiдавочна, на крадзяжы iх штурхала не беднасць — Джон Тэры штотыднёва атрымлiвае ў "Чэлсi" 135 тысяч фунтаў.