Калi свярбяць рукi

Источник материала:

У непрыемную гiсторыю трапiў непрацуючы жыхар сталiцы, у якога знойдзена буйная партыя "шэрых" мабiльнiкаў. Затрымалi 28-гадовага мужчыну супрацоўнiкi аддзела па барацьбе з карупцыяй i эканамiчнай злачыннасцю АУСТ у Мiнску на чыгуначным вакзале. А прычынай для гэтага стала тое, што ён перавозiў 180 мабiльных тэлефонаў, на якiя не было адпаведных дакументаў. Мiж iншым, кошт гэтага грузу ацэньваецца ў суму амаль 232 мiльёны рублёў.

У Мiнску супрацоўнiкамi аддзела па наркакантролi i супрацьдзеяннi гандлю людзьмi Маскоўскага РАУС на праспекце Любiмава затрыманы 41-гадовы грамадзянiн Каралеўства Нiдэрланды. Паводле звестак упраўлення iнфармацыi i грамадскiх сувязяў МУС, замежнiк трапiў у поле зроку праваахоўнiкаў у ходзе правядзення аператыўна-пошукавых мерапрыемстваў па спыненнi канала пастаўкi наркатычных сродкаў у нашу краiну. У затрыманага знойдзена i канфiскавана 230 грамаў опiуму i 36 грамаў метадону. Узбуджана крымiнальная справа.

У в. Сухапаль Пружанскага раёна двое навучэнцаў лiцэя з вёскi Мурава на мясцовых могiлках пабiлi 11 секцый жалезабетоннай агароджы. А ў Пiнску на мясцовым доследна-механiчным заводзе нехта выбiў 70 аконных шыбiн. Узбуджана крымiнальная справа.

67-гадовы непрацуючы мужчына, якi не так даўно вярнуўся ў родную вёску Рогiнь Буда-Кашалёўскага раёна з Казахстана, ледзь не стварыў вялiкай праблемы для сваёй малой радзiмы. Справа ў тым, што дома i сваякоў у яго не засталося, як i рэгiстрацыi, i таму жыў ён па чужых пабудовах. Выпiўшы, сярод белага дня лёг спаць у адным з хлявоў. Менавiта ад яго мясцовы жыхар, якi iшоў побач, заўважыў дым. Ён хутка адчынiў дзверы, вывалак аднавяскоўца на двор i затушыў полымя ад непатушанай цыгарэты. Вiноўнiк пажару шпiталiзаваны.