Дадатковыя меры па лібералiзацыi эканомiкi распрацоўваюцца ў Беларусi

Источник материала:

План дадатковых мераў па лiбералiзацыi прадугледжвае, у прыватнасцi, далейшае стымуляванне бiзнэсу i аптымiзацыю кантрольнай дзейнасцi. Таксама распрацоўваюцца дадатковыя меры падтрымкi валаўтваральных прадпрыемстваў-экспарцёраў, у тым лiку плануецца iх крэдытная падтрымка.

Цяпер у Беларусi рэалiзуецца сумесны план урада i Адмiнiстрацыi Прэзiдэнта па лiбералiзацыi ўмоў эканамiчнай дзейнасцi ў 2009 годзе, мерапрыемствы якога ў асноўным былi разлiчаны на I квартал гэтага года. "Пасля падвядзення вынiкаў работы эканомiкi ў студзенi—сакавiку будзе вырашана, што неабходна аператыўна зрабiць ужо ў блiжэйшыя тыднi, каб палепшыць сiтуацыю ў паўгоддзi ў цэлым, — адзначыў Андрэй Тур. — Але сказаць адназначна, якiя мерапрыемствы ўвойдуць у план дадатковых мераў па лiбералiзацыi, пакуль што нельга. Паступiўшых прапаноў, у тым лiку i ад бiзнэс-асацыяцый, дастаткова многа, але не ўсе яны маюць канструктыўны характар". Намеснiк мiнiстра, у прыватнасцi, не падтрымлiвае iнiцыятыву бiзнэс-саюзаў па змяншэннi плацяжоў у Фонд сацабароны насельнiцтва, адмене адзiнай тарыфнай сеткi для прыватных прадпрыемстваў, пашырэннi ў блiжэйшы час практыкi прымянення свабодных цэнаў.

Як адзначыў Андрэй Тур, I квартал быў цяжкi для Беларусi, сiтуацыя склалася далёка не адназначная ў розных сектарах эканомiкi. "Звужэнне нашых асноўных рынкаў збыту ў Расii i Еўрасаюзе сур’ёзна паўплывала на аб’ёмы экспарту i адпаведна на стан беларускiх прадпрыемстваў, — сказаў намеснiк мiнiстра. — Нiхто не ведае, колькi прадоўжыцца сусветны крызiс, але адназначна, 2009 год будзе вельмi складаны. Таму ў далейшым у Беларусi, напэўна, будуць распрацаваны новыя дадатковыя антыкрызiсныя меры. Гэта бесперапынны працэс, паколькi сiтуацыя цяжка прагназуемая i ўзнiкаюць многiя непрадбачаныя негатыўныя моманты, якiя трэба аналiзаваць i ўстараняць".