Помсты не атрымалася

Источник материала:

59-гадовы супрацоўнiк пазаведамаснай аховы чыгуначнага моста цераз Днепр у горадзе Рэчыца быў выклiканы на працу для афармлення дакументаў на звальненне за п’янку на ахоўным аб’екце. Самым нечаканым чынам ён вырашыў адпомсцiць калегам за тое, што пазбавiўся працы. У адмiнiстрацыйным будынку ён дастаў з кiшэнi адзення баявую гранату Ф-1, другой рукой трымаўся за кальцо загваздкi, пры гэтым нiчога не казаў. Людзi спалохалiся i пачалi яго ўгаворваць не рабiць глупства. Звольнены перайшоў чыгуначны пуць, вырваў кальцо i кiнуў ручную гранату ўбок — на адкрыты ўчастак мясцовасцi.Граната не разарвалася. Выбуховая прылада была ўзарваная на месцы падзення спецыялiстамi сапёрнай групы.

— Шмат коней, кароў i iншых жывёл зламыснiкi скралi з гаспадарак Вiцебскай вобласцi. I што абурае, у лiку iншага — з ахоўных аб’ектаў. Мы адпраўлялi ў мiнулым месяцы адпаведнае прадпiсанне у адзiн з райвыканкамаў, чакаем адказу аб зробленых захадах, каб болей такога не дапусцiць. Менавiта ў Лепельскiм раёне ўчынена больш за ўсё крадзяжоў! — каментуе навiну пра скрадзеных жывёл намеснiк начальнiка УУС Вiцебскага аблвыканкама Аляксандр Бядункевiч.

Па звестках следства, усяго налiчваецца 32 эпiзоды крадзяжоў. Па адным — ва Ушацкiм, у Шумiлiнскiм, Бешанковiцкiм раёнах, а астатнiя ў Лепельскiм. "Крымiнальная чацвёрка", сярод якiх i дзве жанчыны, жыхары розных раёнаў, па начах кралi коней, кароў, коз з тэрыторыi дзяржаўных сельскагаспадарчых арганiзацый. Пакутавалi i радавыя грамадзяне, скацiну якiх таксама скралi. Коней i iншых жывёл забiвалi на продаж мяса, што пацвярджаюць матэрыялы следства. "Апрацоўвалi" тушы, а потым везлi на продаж у асноўным у Мiнск, у тым лiку на знакамiты Камароўскi рынак. Частку рэалiзоўвалi ў Вiцебску.

Як расказала "Звяздзе" старшы следчы следчага ўпраўлення УУС Вiцебскага аблвыканкама Аксана Муравiцкая, група дзейнiчала ў 2007— 2008 гадах. Злачынную дзейнасць каардынавалi муж i жонка, якiя жылi ў Чашнiках. Дапамагалi iм яшчэ адна дама i мужчына з Бешанковiцкага раёна. Усяго яны скралi жывёлы на агульную суму болей за 74,3 мiльёна рублёў. Крымiнальная справа перададзена на разгляд у суд.