П’яныя ахоўнікi фатаграфавалiся на троне
П’яныя ахоўнікi фатаграфавалiся на троне
Супрацоўнiкi службы бяспекi каралевы Вялiкабрытанii ладзiлi п’янкi ў Букiнгемскiм палацы, падчас якiх фатаграфавалiся на троне, а затым адсыпалiся проста ў каралеўскiх пакоях. Скандальныя факты выявiлiся падчас суда над адным з ахоўнiкаў Полам Пэйджам, якога абвiнавачваюць у махлярстве. Як расказалi прысяжным, ахоўнiкi арганiзавалi на тэрыторыi палаца продаж наркотыкаў i парнаграфii. Акрамя таго, за спецыяльную плату яны праводзiлi на палацавыя прыёмы невядомых людзей, а таксама дазвалялi сваiм знаёмым выкарыстоўваць тэрыторыю каля палаца ў якасцi аўтастаянкi. Па меркаваннi суда, сваiмi ўчынкамi палiцэйскiя прадэманстравалi непашану да каралевы, а таксама падставiлi яе жыццё пад рызыку. Самi палiцэйскiя большасць абвiнавачванняў адмаўляюць. Сяржант Адам Макгрэгар заявiў, што сесцi на каралеўскi трон яго прымусiла не непавага да манархаў, а "жаданне распавесцi аб гэтым унукам". Акрамя таго, ён сцвярджае, што не надзяваў пры гэтым карону. У iрландыi ў адстаўку адпраўлены кабiнет мiнiстраўПрэм’ер-мiнiстр Ірландыi Брайан Коуэн адправiў у адстаўку ўсiх 20 дзяржаўных мiнiстраў. Кiраўнiк iрландскага ўрада такiм чынам спадзяецца павысiць эфектыўнасць дзейнасцi кабiнета мiнiстраў i зменшыць выдаткi нацыянальнай казны ў сувязi з наступленнем рэжыму строгай эканомii, з якiм парламент азнаёмiўся два тыднi таму ў экстранным бюджэце. Таксама надалей плануецца, што новых мiнiстраў будзе ўжо 15, але апазiцыя лiчыць, што дастаткова i 12. Прэм’ер самалi просiць не плацiць пiратамПрэм’ер-мiнiстр Самалi Амар Абдзiрашыд Алi Шармарке папрасiў дзяржавы, якiя пакутуюць ад пiрацтва ў Адэнскiм залiве, не плацiць марскiм разбойнiкам выкупы. "Адзiная прычына, па якой людзi становяцца пiратамi, — гэта тое, што кампанii-суднаўладальнiкi вырашаюць плацiць iм грошы", — заявiў Шармарке. Прэм’ер Самалi таксама выказаў сумненне ў эфектыўнасцi заходнiх метадаў барацьбы з пiратамi. Па яго словах, замежныя ваенныя караблi, якiя патрулююць узбярэжжа краiны, "нi на дзюйм не перашкодзiлi" марскiм бандам. Шармарке падкрэслiў, што адзiнай магчымасцю перамагчы пiрацтва з’яўляецца стварэнне наземнай службы бяспекi. У сувязi з гэтым ён папрасiў сусветную супольнасць дапамагчы Самалi ў стварэннi такой службы, на якую ўраду трэба 165 мiльёнаў долараў. Буйнаму падсуднаму заляпiлi ротСуддзя ў горадзе Покатэла ў штаце Айдаха (ЗША) загадаў судовым прыставам заляпiць рот буйнаму падсуднаму. Слуханнi па справе 23-гадовага Нiкласа Фрэйжара, умоўна асуджанага за крадзеж, пачалiся з таго, што прызначаны дзяржавай адвакат папрасiў праверыць давернiка на наяўнасць свядомасцi. Гэта абурыла падсуднага, якi заявiў, што выдатна сябе адчувае, валодае пачуццём гумару, даволi прывабны i можа хадзiць на руках. Суддзя неаднаразова заклiкаў Фрэйжара да парадку, але той не рэагаваў i настойваў на сваёй невiнаватасцi. У вынiку старшыня загадаў прыставам супакоiць падсуднага. Працэс на некалькi хвiлiн перапынiўся, пакуль шукалi клейкую стужку, i маладому чалавеку заляпiлi рот.
Чтобы разместить новость на сайте или в блоге скопируйте код:
На вашем ресурсе это будет выглядеть так
Супрацоўнiкi службы бяспекi каралевы Вялiкабрытанii ладзiлi п’янкi ў Букiнгемскiм палацы, падчас якiх фатаграфавалiся на троне, а затым адсыпалiся про
|
|