Аляксандр Лукашэнка: СМІ павінны весцi канструктыўную iнфармацыйную палiтыку для кансалiдацыi грамад

Источник материала:

Прэзiдэнт Беларусi Аляксандр Лукашэнка накiраваў прывiтанне ўдзельнiкам ХIII Мiжнароднай спецыялiзаванай выставы "СМI ў Беларусi" i IV Беларускага iнфармацыйнага форуму.

Аляксандр Лукашэнка адзначыў, што ўдзельнiкам трэба будзе абмеркаваць актуальныя пытаннi развiцця сродкаў масавай iнфармацыi ва ўмовах сусветнага эканамiчнага крызiсу. "Новыя выклiкi часу вылучаюць на пярэднi план патрабаваннi дакладна i аператыўна iнфармаваць людзей аб змяненнях у эканамiчнай сiтуацыi, аб мерах, якiя прымаюцца па пераадоленнi цяжкасцяў. Задача ў тым, каб весцi канструктыўную iнфармацыйную палiтыку, накiраваную на кансалiдацыю грамадства, згуртаванне сiлаў у мэтах аптымальнага вырашэння праблем", — гаворыцца ў прывiтаннi. Менавiта таму, лiчыць Прэзiдэнт, так неабходны сёння высокая сацыяльная адказнасць журналiстаў за свае словы, узважаная грамадзянская пазiцыя i сапраўдны прафесiяналiзм кожнага, хто вядзе размову з чытачом, слухачом, тэлегледачом.

На думку кiраўнiка дзяржавы, у год 65-годдзя вызвалення Беларусi ад нямецка-фашысцкiх захопнiкаў найважнейшы абавязак СМI — данесцi да шырокай аўдыторыi лёсаноснае значэнне гэтай даты, гiстарычную праўду аб гераiзме народа. "Разлiчваю, што правядзенне выстаўкi i форуму будзе садзейнiчаць пашырэнню медыйнай прасторы, стане чарговым этапам ва ўмацаваннi ўзаемадзеяння Беларусi з замежнымi партнёрамi ў iнфармацыйнай сферы", — падкрэслiў Аляксандр Лукашэнка.