Паважаныя суайчыннiкi!

Источник материала:

Над гэтым вялiкiм святам не ўладарны час. Яно ўвасобiла бяспрыкладны подзвiг гераiчных пакаленняў пераможцаў i вялiкую радасць народаў, выратаваных ад гiбелi i фашысцкага прыгнёту.

Нiзкi паклон адважным франтавiкам, партызанам i падпольшчыкам, мужным працаўнiкам тылу, вязням канцлагераў, няўцешным удовам i асiрацелым дзецям. Няма такой меркi, якой можна было б ацанiць вашы мужнасць i самаахвяраванне.

Няхай заўсёды вас акружаюць любоў i клопат родных, блiзкiх вам людзей!

Беларуская зямля шчодра палiта крывёю абаронцаў Айчыны. Не ўсе яны паспелi стварыць сем’i, многiя не зведалi шчасця бацькоўства цi мацярынства. За гады Другой сусветнай вайны наша краiна страцiла амаль трэць сваiх жыхароў. Гэта вечная незагойная рана.

У Дзень 9 мая няма месца бяспамяцтву i забыццю, святатацтву i рэвiзii гiсторыi. Урокi Вялiкай Перамогi вучаць нас згуртаванасцi i яднанню. Толькi разам мы зможам эфектыўна процiстаяць тым, хто зноў спрабуе ажывiць iдэi нацызму, сее нацыянальную варожасць, распальвае рэлiгiйную нецярпiмасць.

Нiколi не згасне агонь народнай памяцi аб мужнасцi, гуманiзме i духоўнай велiчы савецкага салдата. Не пацьмянее бляск ордэнаў i медалёў пераможцаў.

Шчыра жадаю ўсiм вам, дарагiя сябры, моцнага здароўя, бадзёрасцi духу i дабрабыту.

Мiрнага вам неба. Няхай у iм грымяць толькi святочныя салюты!