Сёння на Баравой адбудзецца вялікі рок-фэст

Источник материала:

23 мая 2009 Культура
ТUT.BY 23 траўня а 16:30 на адкрытай пляцоўцы сталічнага аэраклубу "Баравая" пачнецца першы рэспубліканскі фестываль жывой актуальнай музыкі "Bela Music-09", які збярэ сузор'е беларускай рок-сцэны. Інфармацыйную падтымку канцэрта ажыццяўляе TUT.BY.
 
Удзел у шоў возьмуць "Крама", "Палац", "Neuro Dubel", "J:морс", "БЕЗ БИЛЕТА", Пётр Ялфімаў, "Дзецідзяцей", "Garadzkija" і гурт Аляксандра Растопчына “Rastop Power Trio”.
 
Суарганізатарамі фэста выступілі Міністэрства культуры, Мінаблвыканкам і Мінгарвыканкам.
Нагадаем, што цягам трох дзён, з 12 да 14 траўня, TUT.BY сумесна з музычным парталам “Тузін Гітоў” ладзіў віктарыну для тых, хто ведае і любіць беларускую музыку. Пытанні да наведвальнікаў нашага парталу падрыхтавалі лідэры ўсіх гуртоў-выступоўцаў фэсту "Bela Music". У выніку 17 самых кемлівых і ўважлівых атрымалі па два бясплатныя запрашэнні на канцэрт.

Праграма фэста наступная:

17:00 — 17:30 — GARADzKIJA
17:30 — 18:05 — Детидетей
18:05 — 18:35 — Rastop Power Trio
18:35 — 19:00 — Пётр Ялфімаў
19:00 — 19:35 — Neuro Dubel
19:35 — 20:10 — Палац
20:10 — 20:45 — БЕЗ БИЛЕТА
20:45 — 21:20 — Крама
21:20 — 21:55 — J:морс

Да ведама гледачоў, з 15 да 23 гадзін ад станцыі метро "Ўсход" да "Баравой" будуць хадзіць адмысловыя гарадскія аўтобусы. Астатняя інфармацыя пра фэст ТУТ.