У Беларусi ўводзяцца дадатковыя меры сацыяльнай абароны непрацуючых грамадзян

Источник материала:

27 июня 2009 Экономика и бизнес
Звязда Адпаведны ўказ № 333 Прэзiдэнт Беларусi Аляксандр Лукашэнка падпiсаў 25 чэрвеня.

У адпаведнасцi з дакументам непрацуючыя грамадзяне, якiя з'яўляюцца заснавальнiкамi (удзельнiкамi) акцыянерных таварыстваў, не адносяцца да лiку занятых грамадзян i могуць быць зарэгiстраваны ў якасцi беспрацоўных. Гэта палажэнне накiравана на ўзмацненне сацыяльнай абароны названай катэгорыi грамадзян, якiя страцiлi работу, у тым лiку i па не залежных ад iх прычынах (лiквiдацыя арганiзацыi, скарачэнне колькасцi работнiкаў, заканчэнне тэрмiну працоўнага дагавора), i прадаставiць iм магчымасць рэгiстравацца ў якасцi беспрацоўных. У сувязi з гэтым былыя работнiкi дзяржаўных прадпрыемстваў змогуць у дзяржаўнай службе занятасцi прайсцi перападрыхтоўку па новай спецыяльнасцi, павысiць сваю квалiфiкацыю i атрымаць магчымасць працаўладкавання на новае рабочае месца.