Тры на аднаго

Источник материала:

Дырыжор Аляксандр Анiсiмаў ўмее спраўляцца з трыма аркестрамi адначасова.

эта ён дакажа 5 лiпеня, калi на сцэне Палаца Рэспублiкi адбудзецца канцэрт-прысвячэнне вызваленню Беларусi. Творы абраныя адпаведныя. 7-я сiмфонiя Дзмiтрыя Шастаковiча, так званая "ленiнградская", у якой кампазiтар здолеў перадаць супрацьстаянне дзвюх сiлаў, у якой прадчуваў перамогу. Таксама прагучыць "Паэма агню" Аляксандра Скрабiна, салiраваць у якой будзе пiянiст Андрэй Сiкорскi, i "Балеро" Марыса Равэля.

Але галоўнае iнтрыгуючае супрацьстаянне гэтага вечара — адзiн дырыжор з музыкантамi трох аркестраў краiны: Дзяржаўнага акадэмiчнага сiмфанiчнага аркестра Беларусi, сiмфанiчнага аркестра Вялiкага тэатра оперы i балета, i Дзяржаўны сiмфанiчны аркестр Нацыянальнай тэлерадыёкампанii Рэспублiкi Беларусь. Трыста музыкантаў адначасова — як тут дабiцца суладдзя i гармонii, каб стварыць музыку? Напэўна, у маэстра Анiсiмава ёсць сакрэт. Таму што пяць гадоў таму ўжо быў канцэрт так званага аб'яднанага аркестра Мiнска, якi складаўся з трох калектываў. Падзея надоўга запомнiлася публiцы. Лiпень 2009, на думку Анiсiмава, павiнен увайсцi ў гiсторыю музычнай Беларусi, таму што ёсць асаблiвая нагода. Грандыёзнае свята — значыць i музыка павiнна гучаць грандыёзная i грандыёзна.