Прашу падумаць пра гэта i прызнаць мяне ўдзельнiкам вайны

Источник материала:

Пытальнiк

Згодна з Законам Рэспублiкi Беларусь "Аб ветэранах", удзельнiкамi вайны з'яўляюцца:

— вайскоўцы, у тым лiку звольненыя ў запас (адстаўку), якiя праходзiлi воiнскую службу або часова знаходзiлiся ў воiнскiх часцях, штабах i ўстановах, што ўваходзiлi ў склад дзейнай армii (флота) у перыяд Вялiкай Айчыннай вайны, а таксама падчас iншых баявых аперацый па абароне Айчыны;

— партызаны i падпольшчыкi;

— вайскоўцы, у тым лiку звольненыя ў запас (адстаўку), асобы кiруючага i радавога саставу органаў унутраных спраў i дзяржаўнай бяспекi, якiя праходзiлi ў перыяд Вялiкай Айчыннай вайны службу ў гарадах, удзел у абароне якiх залiчваецца ў выслугу гадоў для прызначэння пенсii на льготных умовах, вызначаных для вайскоўцаў воiнскiх часцей дзейнай армii;

— асобы вольнанаёмнага саставу Савецкай Армii, Ваенна-Марскога Флота, войск i органаў унутраных спраў i дзяржаўнай бяспекi, што займалi ў перыяд Вялiкай Айчыннай вайны штатныя пасады ў воiнскiх часцях, штабах i ўстановах, якiя ўваходзiлi ў склад дзейнай армii, або знаходзiлiся ў гэты перыяд у гарадах, удзел у абароне якiх залiчваецца ў выслугу гадоў для прызначэння пенсii на льготных умовах, вызначаных для вайскоўцаў воiнскiх часцей дзейнай армii;

— супрацоўнiкi разведкi, контрразведкi i iншыя асобы, што выконвалi спецыяльныя заданнi ў воiнскiх часцях дзейнай армii, у тыле працiўнiка цi на тэрыторыi iншых дзяржаў у перыяд Вялiкай Айчыннай вайны;

— работнiкi спецыяльных фармiраванняў Народнага камiсарыята шляхоў зносiнаў, народнага камiсарыята сувязi, плаваючага саставу прамысловых i транспартных суднаў i лётна-пад'ёмнага саставу авiяцыi Народнага камiсарыята рыбнай прамысловасцi СССР, марскога i рачнога флота, лётна-пад'ёмнага саставу авiяцыi Галоўпоўначмарпуцi, якiя былi пераведзены ў перыяд Вялiкай Айчыннай вайны на палажэнне вайскоўцаў i выконвалi задачы ў iнтарэсах дзейнай армii (флота) у межах тылавых гранiц дзейных франтоў (аператыўных зонаў флатоў);

— асобы, што прымалi ўдзел ва ўзброенай барацьбе з бандфармiраваннямi ў саставе знiшчальных батальёнаў, узводаў i атрадаў аховы народа, што дзейнiчалi з 1 студзеня 1944 года па 31 снежня 1951 года на тэрыторыi Украiнскай ССР, Беларускай ССР i Прыбалтыйскiх рэспублiк;

— асобы, што прымалi ўдзел у баявых дзеяннях супраць фашысцкай Германii i яе саюзнiкаў у складзе партызанскiх атрадаў, падпольных групаў у гады Другой сусветнай вайны на тэрыторыi iншых дзяржаў.

...Пётр Паўлавiч даслаў у рэдакцыю велiзарны лiст, з якога мы надрукавалi толькi невялiкi ўрывак. Заяўнiк даволi падрабязна распавядае пра выратаванне iм сям'i савецкага афiцэра ў гады вайны на акупаванай тэрыторыi. Як ужо было сказана, "на ўсё ёсць пацвярджэннi ў пiсьмовым выглядзе". Аднак да лiста ў газету Пятром Паўлавiчам былi дададзены толькi ксеракопii асабiстых лiстоў адной з дачок выратаванай iм жанчыны — жонкi таго самага афiцэра (яна пражывае ў Валгаградзе, куды некалi пераехала выратаваная сям'я). Ёсць яшчэ ксеракопiя даведкi, выдадзенай заяўнiку ў 1993 годзе Клецкiм ваенкаматам. У ёй пазначана, у прыватнасцi, што мужчына з 6 лiпеня 1944 года па 1 лiстапада 1944 года працаваў служачым СА Клецкага райваенкамата. "Даведка складзена на падставе паказанняў сведкаў i выдадзена для падачы па месцы патрабавання". Нiякiх iншых дакументаў (i нават згадак пра iх iснаванне) у звароце няма. Напэўна, iх i не хапае для прызнання чытача ўдзельнiкам вайны? На жаль, нам таксама невядома, цi звяртаўся па iх паважаны чалавек у архiвы, а калi звяртаўся — дык з якiмi канкрэтна вынiкамi?..