Дырэктары прадпрыемстваў павiнны быць абаронены ў выпадку апраўданай рызыкi пры прыняццi рашэнняў

Источник материала:

Такая прапанова, iнiцыяваная Канфедэрацыяй прамыслоўцаў i прадпрымальнiкаў (наймальнiкаў) (КПП(Н), падтрымана дзяржорганамi. Аб гэтым паведамiў старшыня канфедэрацыi Анатоль Харлап.

"У вынiку канструктыўнай работы з Генеральнай пракуратурай, Вышэйшым гаспадарчым судом мы практычна вырашылi адну з праблем, якая непакоiць дырэктарскi корпус, прамыслоўцаў i прадпрымальнiкаў краiны", — адзначыў ён. Размова iдзе аб крымiнальнай адказнасцi службовых асобаў, суб'ектаў прадпрымальнiцкай дзейнасцi за наступствы, звязаныя з апраўданымi вытворча-гаспадарчымi рызыкамi, пры прыняццi кiраўнiцкiх рашэнняў, пры любой упушчанай выгадзе "або нейкiх, нават нязначных, стратах на прадпрыемстве". У сувязi з гэтым пры падтрымцы ўрада Генеральная пракуратура з удзелам iншых дзяржаўных органаў падрыхтавала адпаведныя прапановы па змяненнi Крымiнальнага кодэкса. "Прадугледжваецца пакаранне толькi за наўмысныя дзеяннi з карыслiвай або iншай асабiстай зацiкаўленасцi, але нi ў якiм выпадку не за апраўданыя рызыкi пры прыняццi кiраўнiцкiх рашэнняў", — адзначыў старшыня канфедэрацыi. Цяпер законапраект рыхтуецца да ўнясення ў парламент i будзе разгледжаны на асенняй сесii.