Вораг фiгуры — лiшак тлушчу

Источник материала:

На сёння медыкi перакананыя, што галоўная прычына лiшняй вагi — лiшак тлушчаў у харчаваннi. Чаму ж тлушчы спрыяюць прыбаўцы вагi?

Пачуццё сытасцi ўзнiкае ў чалавека тады, калi сценкi страўнiка злёгку расцягваюцца ад перапаўнення. Калi ж гэта дасягаецца за кошт тлустай ежы, то варта мець на ўвазе высокую энергетычную каштоўнасць апошняй. Лiшак тлушчу, вядома, адпраўляецца ў падскураную тлушчавую клятчатку.

Пачуццё насычэння, якое ўзнiкае ў нас пасля абеду, вызначаецца таксама ўсмоктваннем i акiсленнем спажыўных рэчываў, выдзяленнем асобных гармонаў. Вучоныя выявiлi, што ў поўных людзей гэтыя працэсы парушаны, i таму iм цяжка правiльна кантраляваць ужыванне ежы. Акрамя таго, бялок лепцiн, якi вырабляецца ў тлушчавых клетках, паступае ў кроў, а потым у мозг, i сiгналiзуе аб назапашаным у арганiзме тлушчы, у таўсцякоў пранiкае ў мозг у той жа колькасцi, што i ў худых. Пры гэтым мозг "лiчыць", што тлушчавых тканак у арганiзме менш, чым насамрэч, i чалавек не губляе апетыту нават тады, калi ўжо наеўся.

Немалую ролю адыгрывае i тое, што тлустыя прадукты ўспрымаюцца як больш смачныя: духмяныя рэчывы, якiя надаюць смак i апетытны пах прадуктам, раствораны галоўным чынам у тлушчах. Таму абястлушчанае малако або тварог здаюцца нам нясмачнымi. І тым не менш, для знiжэння лiшняй вагi неабходна абмежаваць менавiта ўжыванне тлушчаў. Хоць многiя лiчаць, што ёсць i iншы шлях — заняткi спортам.

 Працягласць заняткаў павiнна быць не менш за 45 хвiлiн, не радзей за 3 разы на тыднi.

 Перад пачаткам трэнiровак прайдзiце абследаванне ва ўрача, каб ведаць, якiя нагрузкi можа вытрымаць ваша сардэчна-сасудзiстая сiстэма.

 Вельмi добра вар'iраваць нагрузкi: дзень — плаванне, другi — хада i г.д.

 Павялiчвайце нагрузкi вельмi паступова!

Нават проста хада ў хуткiм тэмпе — па 45 хвiлiн не менш за 3 разы на тыднi — дазволiць актывiзаваць сiнтэз ферментаў, якiя расшчапляюць тлушч, i дастаўку кiслароду ў клеткi. Вызвалены з тлушчавых клетак тлушч накiруецца ў мышачныя клеткi — адзiнае месца, дзе тлушч расходуецца.

Захаваць жаданне займацца фiзiчнымi практыкаваннямi дапамогуць два спосабы.

Першы: разбiце адну доўгую трэнiроўку на некалькi больш кароткiх. Паводле звестак даследаванняў, жанчыны з атлусценнем, якiя выконваюць аэробныя нагрузкi (пераважна хада) 3 разы на дзень па 10 хвiлiн 5 дзён на тыднi ў вынiку адзначаюць, што затрацiлi больш часу на трэнiроўкi, чым тыя, хто тую ж нагрузку выконваюць па 30 хвiлiн у дзень 5 дзён на тыднi. Акрамя таго, першыя мелi тэндэнцыю да большага знiжэння вагi.

Другi: падумайце, якое месца для заняткаў — у хатнiх умовах цi ў межах спартыўнага клуба падыходзiць менавiта вам. Важна не тое, дзе менавiта вы будзеце займацца, а тое, наколькi дысцыплiнаванымi вы будзеце.