Аварыя на мясакамбiнаце: адна загiнулая i чацвёра пацярпелых...

Источник материала:

Аварыя, у вынiку якой загiнула адна работнiца прадпрыемства, а яшчэ чацвёра пацярпелi, адбылася ў мiнулую суботу ў адным з цэхаў Слуцкага мясакамбiната.

Як паведамiў карэспандэнту "Звязды" начальнiк прэс-службы мiнiстэрства па надзвычайных сiтуацыях Вiталь Навiцкi, з трубаправода халадзiльнай камеры выцекла каля 200 кiлаграмаў амiяку, у вынiку чаго гранiчная канцэнтрацыя рэчыва ў паветры ў некалькi соцень разоў была перавышана. Ахвярай здарэння стала адна жанчына, якая тут працавала, а яшчэ чатыры чалавекi змешчаны ў бальнiцу. Што датычыцца пацярпелых, то трое з iх знаходзяцца ў стабiльна цяжкiм стане, адзiн — у стане сярэдняй цяжкасцi. Выратавальнiкi, якiя тэрмiнова прыбылi на месца здарэння, не дапусцiлi, каб пары амiяку выйшлi за межы цэха: эколагi, якiя вядуць манiторынг сiтуацыi, канстатавалi, што усё ў норме. А вось канцэнтрацыя пароў амiяку непасрэдна ў аварыйнай халадзiльнай камеры ўчора ранiцай перавышала гранiчна дапушчальную норму ў тры разы. Учора працягвалiся i работы па асаджэннi пароў амiяку, адпампоўвалася амiячная вада i iшла рэцыркуляцыя паветра ў памяшканнi дымасосамi i вентылятарамi. Як мяркуецца, наступствы аварыi павiнны былi быць лiквiдаваны ўжо ў панядзелак. Калi казаць аб прычынах аварыi, то, паводле папярэднiх звестак, здарэнне адбылося з-за няякаснай зваркi трубаправоду.

Практычна ва ўсiх пацярпелых раёнах былi адключэннi электрычнасцi. У Магiлёве зарэгiстравана 28 выпадкаў падзення дрэваў на лiнii электраперадач. У панядзелак працавалi аварыйныя брыгады, якiя на працягу дня меркавалi ўсё аднавiць.

На вулiцах i ў дварах ад ранiцы прыбiралi паламаныя дрэвы. У абласным цэнтры дрэвы падалi на праезную частку i прыпаркаваныя аўтамабiлi. Вядома 10 такiх выпадкаў, пашкоджаны 4 аўтамабiлi.

На адной з будаўнiчых пляцовак упаў кран, а кiнатэатр "Радзiма" часова пазбавiўся сваёй назвы — вялiзныя лiтары на фасадзе будынка павалiлiся i павiслi.

Паразбiвалiся лiхтары, упалi некаторыя светлавыя стаўбы, а каля будынка ўнiверсiтэта ў Магiлёве сагнулася да зямлi апора святлафора.

З-за аварыi на Палыкавiцкiм водазаборы ў частцы Магiлёва была адключана вада. Удзень у панядзелак каля дамоў у раёне Саломiнкi стаялi цыстэрны з вадой для людзей.

Па словах метэаролагаў, мяркуючы па характары разбурэнняў, хуткасць ветру ў асобных раёнах перавышала 20 метраў за секунду. Урон ад стыхii яшчэ падлiчваецца.

Як паведамiў карэспандэнту "Звязды" начальнiк прэс-службы Мiнiстэрства па надзвычайных сiтуацыях Вiталь Навiцкi, у Гродзенскай вобласцi дрэва, у якое трапiла маланка, упала i смяротна траўмавала дзiця 2001 года нараджэння. Здарылася гэтая бяда ў Навагрудскiм раёне на беразе возера Свiцязь. Яшчэ двое дарослых, якiя знаходзiлiся ў палатцы, на якую ўпала дрэва, трапiлi ў бальнiцу з пераломамi.

Наогул, як адзначаюць у МНС, у вынiку "выбрыкаў" надвор'я урон быў нанесены 29 населеным пунктам у дзевяцi раёнах Гродзенскай, Мiнскай, Магiлёўскай, Брэсцкай абласцей i сталiцы. З-за моцнага дажджу i ветру ў 29 жылых дамах i 45 будынках сельгасарганiзацый быў пашкоджаны дах, без электрычнасцi засталiся 245 населеных пунктаў.

У в. Пачапава Пiнскага раёна з даху рамонтнай майстэрнi ўпаў рабочы СПМК, жыхар Брэста. З пераломам пазваночнiка яго даставiлi ў бальнiцу, але выратаваць пацярпелага не ўдалася. Праз чатыры днi ён памёр.

У краму в. Пара, што на Пiншчыне, 19 лiпеня ўдарыла маланка. Будынак загарэўся. Агнём пашкоджаны дах, перакрыццi, гандлёвае абсталяванне, памяшканнi i тавар. Страты падлiчваюцца.

У будынку склада жывёлагадоўчай фермы СВК у в. Мiжлессе мясцовы жыхар знаходзiўся на працоўным месцы. Па невядомай прычыне адбыўся зрыў палiмернай гайкi з вогнетушыцеля, якой i быў траўмаваны работнiк.