У аптэку — пасля урачэбнага кабiнета

Источник материала:

 70 працэнтаў людзей набываюць лекавыя прэпараты без папярэдняй кансультацыi з урачом. Што ж, можна не здзiўляцца таму, якую колькасць пабочных эфектаў гультаi забяспечваюць сабе ў вынiку. Шырокая рэклама медпрэпаратаў, "своечасовыя" падказкi i парады знаёмых падмацоўваюцца ўласнай лянотай i, мякка кажучы, недальнабачнасцю. У рэшце рэшт згаданая вышэй практыка лячэння ёсць не што iншае, як эфектыўнае набыццё новых праблем са здароўем.

 Не займайцеся самалячэннем! Адчуваеце патрэбу ў каштоўнай парадзе — атрымайце яе з вуснаў спецыялiста.

 Калi доктар выпiсвае вам рэцэпт, распытайце аб супрацьпаказаннях i пабочных эфектах прэпарата. Умоўна кажучы, навошта вам танны, але малаэфектыўны цi з вялiкай колькасцю пабочных эфектаў прэпарат? Памятайце: памiж коштам i бяспекай лекавага прэпарата iснуе прамая залежнасць!

 Не захапляйцеся супер-пупер навiнкамi. Iнфармацыя аб пабочных эфектах апошнiх удакладняецца яшчэ на працягу мiнiмум пяцi гадоў з моманту пачатку продажу.

 Не забывайцеся ўдакладняць з участковым тэрапеўтам магчымую шкоду ад паралельнага ўжывання лекаў, рэкамендаваных рознымi спецыялiстамi.

 Не спадзявайцеся толькi на параду аптэчнага работнiка! Ён, па-першае, не можа замянiць доктара, а па-другое, яго задача як прадаўца — актыўна прадаваць у тым лiку дарагiя навiнкi, якiя, магчыма, зусiм вам не патрэбныя.

 Перад прыёмам прэпарата абавязкова чытайце iнструкцыю.