Супрацоўнікі МНС і ДАІ навучаць кіроўцаў Мінска карыстацца вогнетушыцелямі

Источник материала:

Сумесная прафілактычная акцыя ДАІ і МНС «Бяспечны аўтамабіль» упершыню пройдзе ў Мінску 18–19 лістапада,

паведамілі ў аддзеле па агітацыі і прапагандзе УДАІ ГУУС Мінгарвыканкама.

Інспектары ДПС будуць спыняць машыны і акрамя стандартнай праверкі дакументаў папросяць паказаць вогнетушыцель.

Калі ён адпавядае ўсім патрабаванням, то супрацоўнікі МНС уручаць кіроўцу сувенір. Для асобных аўтаўладальнікаў яны правядуць нават майстар-класы па выкарыстанню вогнетушыцеляў і раскажуць аб асноўных прычынах узгаранняў аўтамабіляў.

Паводле звестак ДАІ, сёлета ў Мінску адбылося ўжо больш як 170 узгаранняў аўтатранспартных сродкаў.

Асноўная прычына — няспраўнасць электраправодкі і паліўнай сістэмы. Але бывае і так, што пажар у салоне аўтамабіля адбываецца з-за непатушанай цыгарэты. Дзяржаўтаінспекцыя заклікае адмовіцца ад курэння пры кіраванні машынай, бо цыгарэта перашкаджае вадзіцелю ўважліва сачыць за дарогай гэтак жа, як і размова па мабільным тэлефоне.