Пандэмія каранавіруса ўступіла ў новую небяспечную фазу — СААЗ

Источник материала:

Сусветная арганізацыя аховы здароўя лічыць, што пандэмія каранавіруса ўступіла ў новую небяспечную фазу. Аб гэтым заявіў сёння на брыфінгу ў Жэневе генеральны дырэктар СААЗ Тэдрас Аданам Гебрэесус, паведамляе арганізацыя ў сваім акаўнце ў Twitter.

«Многім людзям надакучыла быць дома. Краіны па зразумелых прычынах імкнуцца адкрыць свае эканомікі. Але вірус усё яшчэ распаўсюджваецца хутка, ён усё яшчэ смяротны, і большасць людзей усё яшчэ успрымальная», — сказаў Тэдрас Аданам Гебрэесус.

Сусветная арганізацыя аховы здароўя заклікае ўсе краіны і ўсіх людзей быць вельмі пільнымі. СААЗ рэкамендуе прадаўжаць фізічнае дыстанцыраванне, мыць рукі, заставацца дома пры пагаршэнні самаадчування, прыкрываць нос і рот пры кашлі, пры неабходнасці насіць маску.

Генеральны дырэктар СААЗ выказаў занепакоенасць небяспекай распаўсюджвання COVID-19 у лагерах бежанцаў. Гэтыя людзі асабліва рызыкуюць, таму што часта маюць абмежаваны доступ да належнага жылля, вады, харчавання і медыцынскіх паслуг, адзначыў Тэдрас Аданам Гебрэесус.