Мінскія будоўлі. Частка 1: Гандлёвая

Источник материала:

Рэканструкцыя вуліцы Гандлёвай у разгары.

Лесьвіца з мінулага ў сучаснасць.

Адбудаваная з нуля вуліца хутка засвеціцца ліхтарамі.

Тут будзе падземная паркоўка.

«Беларус» на Гандлёвай.

Помнік архітэктуры?

Старыя муры дажываюць свой век.

Гэты дамок чакае зусім не ружовая будучыня.

Сюды яшчэ не ступала нага рэстаўратара.

Рэканструкцыя вуліцы Гандлёвай у разгары. Па вузкай вулцы, пад якой нядаўна праклалі сучасную каналізацыю, сноўдаюць МАЗы і трактары. На сёння ўздоўж Свіслачы выцягнуўся шнурок навабудаў, стылізаваных пад рэтра. Шэрыя адна- і двухпавярховікі з мансардамі, крытыя цёмна-брунатавай металадахоўкай, у хуткім часе стануць рэстаранамі, крамамі і бізнэс-цэнтрам з падземнай паркоўкай. На засыпаных пяском і цэментам ходніках ляжаць слупы ліхтарняў.У адным са збудаваных на месцы старой забудовы будынкаў ужо свецяцца вокны, на бледна-жоўтай сцяне — шыльда. Паводле Міністэрства культуры, гэты навабуд — помнік архітэктуры. А побач дажываюць свой век цудам ацалелыя камяніцы.

***

Вуліца Гандлёвая (былая Зыбіцкая) да 1917 году цалкам апраўдвала сваю назву — на ёй жылі менскія гандляры, які тут жа трымалі свае крамы. Да нашых дзён ацалела ўсяго некалькі будынкаў. Распачатая ў 2007 годзе рэканструкцыя, якая адбываецца ў ахоўнай зоне гістарычнага цэнтра Мінска — Верхні горад, не прадугледжвае іх захавання.