Гэгаў на паўтары гадзіны

Источник материала:

Так сабе канікулы (Old Dogs)
ЗША, 2009, каляровы, 88 хв.
Рэжысёр: Ўолт Бекер
Ролі выконваюць: Робін Уільямс, Джон Траволта, Конэр Рэйбэрн, Элла Траволта, Лоры Лофлін
Жанр: Камедыя
Адзнака: 4,5 (з 10)

Жывуць сабе два бізнэсоўцы-працаголікі. Раптам аказваецца, што ў аднаго з іх ёсць дзеці. Ён іх не бачыў ад нараджэння. Цяпер новаспечаны бацька мусіць пабыць з імі хоць два тыдні. Але ж тут наклёўваецца выгодны кантракт, які ніяк прапусціць нельга…

Карціна пра «Старых сабакаў», якая чамусьці перакладзена, як «Канікулы» — камедыя натужлівых гэгаў на паўтары гадзіны. Прышчэмленыя машынай пальцы, падпалены скаўцкі лагер (навязліва названы «піянерскім»), офісныя звычкі, недарэчныя ў дзіцячай кампаніі, злачынна з’едзены торт — і механічна-электрычныя ўсмешкі.

Усё гэта з поспехам маглі бы разыграць любыя манэкіны. Але ў фільме акторамі — Робін Ўільямс і Джон Траволта. Толькі а выглядаюць яны мітусліва-пляската, без аганьку.

Напоўніцу — гэта заслуга рэжысёра, якому блізкая тэма старых гарэзаў (але не блізкія мудрасць і талент). Што праўда, у фільме адсутнічае папулярны клазетны гумар (затое пад завязку «блакітных» жартаў).

Нягледзячы на свае далёка не геніяльная якасці, камедыя здольная выклікаць рогат у публікі, а на беларускіх кінасайтах амаль не мае адмоўных водгукаў.

Кінатэрміны

Кінападзеі

Усе фільмы

Кінатворцы