Пазначаныя ў мінскай афішы сеансы «Гары Потэра і Дароў смерці» 18 лістапада адмененыя. Гэта зроблена па загадзе кампаніі «Warner Brothers». Ля ўвахода ў кінатэатр «Масква», дзе планаваўся паказ, вісіць мемарандум кампаніі.
Там гаворыцца, што сусветная прэм’ера чарговае часткі «Гары Потэра» мусіць адбыцца толькі адначасова — і не раней за 9 гадзін раніцы 19 лістапада.
Усе сённяшнія сеансы «Гары Потэра» скасаваныя. Стужка пойдзе ў мінскіх кінатэатрах ад пятніцы.