Рэха беларусізацыі ў Гродне

Источник материала:

У лістападзе 2010 г. «НН» пісала пра сайты дзяржаўных універсітэтаў, што носяць імёны класікаў айчынный літаратуры. А калі больш канкрэтна, то гаворка вялася пра наяўнасць на гэтых сайтах беларускамоўнай версіі. Як высветлілася, па-беларуску на той час працаваў толькі сайт педніверсітэта імя І.П. Шамякіна ў Мазыры. Сайты Гродзенскага дзяржаўнага ўніверсітэта імя Янкі Купалы, мінскага педуніверсітэта імя Максіма Танка і гомельскага ўніверсітэта імя Францыска Скарыны гэтым пахваліцца не маглі. Як і сайт галоўнай вну краіны – Беларускага дзяржаўнага ўніверсітэта.

І вось, напрыканцы года сайт Гродзенскага дзяржаўнага ўніверсітэта імя Янкі Купалы займеў беларускамоўную версію. Магчыма, прычынай з’яўлення беларускай мовы на сайце стаў візіт ва ўніверсітэт новага кіраўніка аблвыканкаму Сямёна Шапіры, які раней ініцыяваў беларусізацыю сваёй установы. Зрэшты, гэта неістотна. Важна тое, што недарэчная сітуацыя выпраўленая. Застаецца пажадаць таго ж і астатнім універсітэтам.