Памёр беларускі гісторык Віталь Скалабан

Адзін з найлепшых беларускіх гісторыкаў адышоў у 64 гады.

Віталь Скалабан нарадзіўся ў 1947 годзе ў вёсцы Шылавічы Слонімскага раёна. Ён скончыў Ленінградскі ўніверсітэт у 1970 годзе. 3 1972-га працаваў у выдавецтве "Беларуская Энцыклапедыя" рэдактарам, пасля загадчыкам рэдакцыі. У 1995–2000 быў намеснікам дырэктара Беларускага навукова-даследчага інстытута дакументазнаўства і архіўнай справы.

Скалабан быў унікальным знаўцам гісторыі беларускага нацыянальнага руху. Менавіта ён выявіў, хто быў аўтарам паэмы "Тарас на Парнасе". Ён стаяў у вытоках стварэння найлепшых энцыклапедый на беларускай мове, у тым ліку 6-тамовай "Энцыклапедыі гісторыі Беларусі".

Заўжды вясёлы, ён быў душою асяродкаў, у якіх працаваў.