Алена Свірыдава запісала песню па-беларуску

Источник материала:

Заслужаная артыстка Расіі ўпершыню ў сваёй кар’еры заспявала па-беларуску.

Спявачка перазапісала адзін з сваіх апошніх хітоў «Пока» з альбома «Сирена или 12 историй, рассказанных на рассвете» ў перакладзе Андрэя Хадановіча, паведамляе Тузін гітоў.

Да такой ідэі Алена паставілася зь вялікай прыязнасьцю: «Я не вагалася ані хвіліны. Бо сама па сабе прапанова цікавая, а калі ўлічыць, што я доўгі час жыла ў Беларусі дык і пагатоў».

Алена з вялікай прыязнасьцю паставілася да прапановы ўпершыню пераспяваць адзін з сваіх хітоў па-беларуску. «Не вагалася ані хвіліны. Бо сама па сабе прапанова цікавая, а калі ўлічыць, што я доўгі час жыла ў Беларусі дык і пагатоў».

«Для мяне гэта быў самы нечаканы досьвед, бо ніколі яшчэ не перакладаў тое, што завуць эстрадай, — прызнаецца ён. — Але гэты тэкст мне спадабаўся. Ясна, празрыста, какетліва, настраёва распавядаецца гісторыя каханьня. Я прасякнуўся вялікай сымпатыяй да лірычнай гераіні. У самім жа тэксьце давялося шмат чаго памяняць, каб ён загучаў на беларускай мове, але імкнуўся пакінуць той самы настрой, уласьцівы арыгіналу».

Сама Алена кажа, што вынікам задаволена: «Безумоўна, яна загучала па-новаму і гэты варыянт мне падабаецца ня менш за арыгінал, хоць дзеля гэтага давялося трохі патрэніравацца. Выканала беларускі тэкст я толькі з дублю дзясятага. Уражаньні засталіся ад гэтай працы выключна пазытыўныя».

Алена Сьвірыдава — Пакуль (музыка і словы — Алены Свірыдавай, беларускі тэкст — Андрэй Хадановіч)

Пакуль, пакуль
Гэты боль невядома адкуль
Пакуль, пакуль
Так было заўжды і паўсюль
Расстаемся, гаворачы
Словы бяз горычы
На-на-на-на-на…

Вось і ўсё, маё золатка
Нам з табой было соладка
Як гарэла да золку нам
Белай ночы сьвятло
Не вярнуць, што ня вернецца
Ты ня Бог, я ня верніца
І цяпер цяжка верыцца
Што каханьне было

Пакуль, пакуль
Зразумей і рэчы спакуй
Пакуль, пакуль
Не пішы лістоў мне адтуль
Ўсё, што трэба, пачула я
Справы мінулыя
На-на-на-на-на…

Пакуль, пакуль
На маім тэрмомэтры нуль
Быў час, калі
Мы з табой у нябёсах жылі
Будуць новыя радасьці
Дзякуй. Пара ісьці
На-на-на-на-на…

Вось і ўсё… было соладка
Нам з табой… Пакуль… Пакуль…