Главная
Гороскопы
Дзіўныя і казачныя персанажы на выставе Аляксандра Салтаўца
26.10.2011 10:34
—
Новости Культуры
|
Дзіўныя і казачныя персанажы на выставе Аляксандра Салтаўца 26 кастрычніка ў 17.00 у мастацкай галерэі “Універсітэт культуры ” адкрываецца выстава Аляксандра Салтаўца “На мяжы рэальнасці і казкі”. Работы Аляксандра Салтаўца запрашаюць зазірнуць у чароўную краіну, населеную дзіўнымі, казачнымі персанажамі. Гэта сапраўды штосьці на мяжы рэальнасці і казкі. Усё на вастрыі: слёзы і радасць, змрок і яснасць. На карцінах Аляксандра можна ўбачыць адзінокіх рыцараў, прывідаў, дзіўных музыкаў. Работы мастака напоўнены незвычайным святлом і ствараюць казачную, фантастычную атмасферу, адчуванне абсалютнай гармоніі і своеасаблівай узрушанасці. Малады мастак нарадзіўся ў вёсцы Грэск Слуцкага раёна Мінскай вобласці ў 1980 годзе. З самага ранняга ўзросту Аляксандр маляваў. Знаёмства з гэтым таленавітым хлопчыкам падштурхнула дырэктара Грэскай дзіцячай школы мастацтваў да адкрыцця аддзялення выяўленчага мастацтва ў гэтай установе. Пасля заканчэння школы Аляксандр Салтавец вучыўся ў Мірскім каледжы будаўніча-рэстаўрацыйных работ. З 1999 года выкладае ў роднай школе выяўленчае мастацтва. Педагагічную дзейнасць Аляксандр спалучае з уласнай творчасцю, мае больш за дзесяць персанальных выстаў. Яго работы знаходзяцца ў прыватных калекцыях Італіі, Канады, Расіі, Украіны, ЗША, Літвы.           Выстава будзе працаваць з 26 кастрычніка па 12 кастрычніка. Мастацкая галерэя “Універсітэт культуры”,
Кастрычніцкая пл., 1 (Палац Рэспублікі); кант. тэл.: 227 - 26 - 12. Наведаць выставу можна з 11.00 да 19.00, вых.: нядзеля, панядзелак. Чтобы разместить новость на сайте или в блоге скопируйте код:
На вашем ресурсе это будет выглядеть так
26 кастрычніка ў 17.00 у мастацкай галерэі “Універсітэт культуры ” адкрываецца выстава Аляксандра Салтаўца “На мяжы рэальнасці і казкі”. Работы Аляксандра... |
|