28 кастрычніка Павел Латушка правядзе шэраг сустрэч у Маскве

28 кастрычніка міністр культуры Беларусі Павел Латушка наведае Маскву.

Падчас рабочай паездкі адбудзецца сустрэча і перамовы з міністрам культуры Расіі Аляксандрам Аўдзеевым. У ходзе перамоў будуць абмеркаваны пытанні двухбаковага беларуска-расійскага супрацоўніцтва ў сферы культуры, узгадненне рэалізацыі сумесных беларуска-расійскіх праектаў у сферы культуры на працягу 2012 года.

Таксама запланавана сустрэча міністра культуры Беларусі з кіраўніцтвам Міждзяржаўнага фонду гуманітарнага супрацоўніцтва дзяржаў-удзельніц СНД. З кіраўніўніцтвам Дзяржаўнай Траццякоўскай галерэі плануецца абмеркаваць магчымасць рэалізацыі сумесных выставачных праектаў.

Запланаваны таксама ўдзел міністра культуры Беларусі ва ўрачыстай цырымоніі адкрыцця пасля рэстаўрацыі Дзяржаўнага акадэмічнага Вялікага тэатра Расіі.