Памёр Мікола Арочка. Беларускаму паэту і літаратуразнаўцу было 82 гады.
Нарадзіўся Мікола Арочка 10 сьнежня 1930 году. Ён аўтар шматлікіх зборнікаў вершаў і літаратуразнаўчых кніг пра творчасьць Валянціна Таўлая, Максіма Танка.
Стварыў гістарычныя паэмы "Судны дзень Скарыны", "Крэва", "Курганьне", "Каранацыя Мендаўга".
Перакладаў творы Яна Райніса, Джорджа Гардона Байрана.
Апошнія гады жыў у роднай вёсцы Вецявічы Слонімскага раёна.