Юбілейны Нацыянальны фестываль беларускай песні і паэзіі “Маладзечна-2013” пройдзе ў чэрвені

Источник материала:

Фота з леташняга фестываля.

Пачалася падрыхтоўка да Нацыянальнага фестывалю беларускай песні і паэзіі “Маладзечна-2013”. Па рашэнні аргкамітэта ў гэтым годзе ён пройдзе 7 і 8 чэрвеня.

– Да таго ж будзе свята і на трэці дзень, бо 9 чэрвеня пройдзе рэгіянальны фестываль “Адна зямля”, – кажа начальнік аддзела культуры Маладзечанскага райвыканкама Аляксандр Рамановіч.

Фестываль песні і паэзіі сёлета лічыцца юбілейным. Ён прысвечаны 20-годдзю заснавання фестывалю. Першы прайшоў у 1993 годзе на маладзечанскім стадыёне.

Фестываль прымеркаваны і да 75-годдзя Мінскай вобласці, а таксама да 625-годдзя горада Маладзечна.

– Феерверк летась быў на адкрыцці фестывалю, бо да нас прыязджалі высокапастаўленыя госці, – кажа спадар Аляксандр. – Але сёлета хутчэй за ўсё ён будзе на закрыццё.

Леташнія фота тут:

Гран-пры зноў ніхто не атрымаў. XII Нацыянальны фестываль беларускай песні і паэзіі (Фотарэпартаж + відэа)

Вольга ЮРКЕВІЧ.

Фота Зоі ХРУЦКАЙ.