Аўтастопам на край свету: прэзентацыя вялікай вандроўкі Аляксандра Гойшыка па Азіі

Источник материала:

191 дзень - столькі доўжыліся азіяцкія прыгоды Аляксандра Гойшыка, які даехаў аўтастопам да Тайланду. Вольны падарожнік, журналіст-фрылансер і вулічны артыст наведаў па дарозе 13 краінаў, праехаўшы больш чым 13 тысячаў кіламетраў.

Вандроўнік з чатырнаццацігадовым стажам і 45-цю наведанымі краінамі упершыню выбраўся ў падарожжа з мэтай навучыцца зарабляць. У дарозе ён вёў блог і пісаў шэраг рэпартажаў для беларускіх часопісаў і анлайн СМІ, а таксама радаваў дзетак вялізнымі мыльнымі бурбалкамі.

У чацвер, 8 снежня, у галерэі TUT.BY (ст.м. Міхалова, праспект Дзяржынскага, 57, 9 паверх) адбудзецца прэзентацыя вандроўкі, падчас якой Аляксандр падрабязна распавядзе пра свае прыгоды, падзеліцца досведам вольных падарожжаў, раскажа як можна зарабляць у дарозе і адчуваць сябе як дома ў любой краіне свету.

Музычнае суправаджэнне сустрэчы - беларускі Dub FX, найлепшы вулічны музыка Мінска Ethno Beat. Пачатак а 19-й. Уваход вольны!