Сапраўдны кінафестываль атрымаўся з конкурсных работ школьнікаў Пінскага раёна, дасланых на літаратурнае свята «Каласавіны»

Источник материала:

Пагадзіцеся, што не кожнаму з нас пашчасціла калі-небудзь прысутнічаць на кінафестывалі. А вось менавіта такая магчымасць выпала ўдзельнікам традыцыйных “Каласавін”, якія штогод праводзяцца народным літаратурна-краязнаўчым музеем Якуба Коласа. Аб гэтым карэспандэнту расказала метадыст ЦТДзіМ Жанна Верыч.

— Справа ў тым, што ў гэтым годзе «Каласавіны» прайшлі ў фармаце кінафестываля, — адзначыла Жанна Верыч і дадала, што сёлета культурная грамадскасць адзначае юбілеі вядомых Коласаўскіх паэм: 100-годдзе “Новай зямлі” і 95-годдзе “Сымона-музыкі”, к каб далучыць школьнікаў да чытання гэтых твораў было вырашана правесці акцыю “Для дарослых і малых! Чытаем Коласа ўслых”. Па ўмовах палажэння кожная школа павінна была даслаць відэазапіс чытання прапанаваных частак адной з паэм.

Па словах госці свята, члена журы, метадыста раённага вучэбна-метадычнага кабінета аддзела па адукацыі Кахновіч С.К. вызначыць лепшыя работы было нялёгка: у акцыі прынялі ўдзел усе школы раёна і кожная творчая група старалася ў меру сваіх магчымасцей.

Як сведчылі ў сваім інтэрв’ю пераможцы, да акцыі мела дачыненне амаль уся вёска. Мясцовыя жыхары назіралі за здымачным працэсам, дапамагалі парадамі і справамі. А аб настаўніках і гаварыць залішне: дырэктару адной са школ прыйшлося муку шукаць і бліны выпякаць для здымак. А на кожны дубль сцэны панскага застолля з “Сымона-музыкі” прыходзілася, са слоў адной з настаўніц, па-новаму накрываць стол прысмакамі. Але ж гэта таго стоіла!

На свяце прысутнічалі прадстаўнікі творчых груп, якія атрымалі дыпломы пераможцаў у пэўнай намінацыі і памятныя кніжныя закладкі. Месцы размеркаваліся наступным чынам:

 «За лепшую пастаноўку і рэалізацыю ідэі»:

• дыпломам 1 ступені – школьны калектыў ДУА «Плешчыцкая сярэдняя школа» Пінскага раена  (кіраўнік — Есько Віта Рыгораўна);
• дыпломам 2 ступені – школьныя калектывы ДУА «Малоткавіцкая сярэдняя школа» Пінскага раена  (кіраўнік — Гулевіч Надзея Васільеўна),   ДУА «Ставоцкая сярэдняя школа» Пінскага раена  (кіраўнік — Рэбкавец Наталля Паўлаўна);
• дыпломам 3 ступені – школьныя калектывы ДУА «Стытычаўская сярэдняя школа» Пінскага раена  (кіраўнік — Кліменка Марыя Ільінічна), ДУА «Высокаўская сярэдняя школа імя Дняпроўскай флатыліі» Пінскага раена  (кіраўнік — Псоцік Наталля Іванаўна);

 «За аўтэнтычнасць і самабытнасць пастаноўкі»:

• дыпломам 1 ступені –  школьны калектыў ДУА «Хойнаўскі дзяцячы сад-базавая школа» Пінскага раена  (кіраўнік — Гардзяйчук Людміла Іванаўна);
• дыпломам 2 ступені — школьны калектыў ДУА «Жыдчанская сярэдняя школа» Пінскага раена  (кіраўнікі — Клімчук Наталля Аляксандраўна, Літвінюк Ала Леанідаўна),
• дыпломам 3 ступені — школьны калектыў ДУА «Пінкавіцкая сярэдняя школа імя Якуба Коласа» Пінскага раена  (кіраўнікі — Петрашкевіч Наталля Іванаўна, Кравец Юлія Андрэеўна;

«За лепшае рэжысерскае рашэнне»:

• дыпломам 1 ступені — школьны калектыў ДУА «Лагішынская сярэдняя школа» Пінскага раена  (кіраўнік — Цібец Іна Станіславаўна);
• дыпломам 2 ступені — школьны калектыў ДУА «Бабрыкоўская сярэдняя школа» Пінскага раена  (кіраўнік — Банцэвіч Аксана Іванаўна),
• дыпломам 3 ступені – школьныя калектывы  ДУА «Гарадзішчанская сярэдняя школа» Пінскага раена  (кіраўнікі — Лінка Крысціна Аляксееўна, Федарашка Ганна Васільеўна), ДУА «Дамашыцкая базавая школа» Пінскага раена  (кіраўнік — Захарава Аксана Георгіеўна).

— Няхай наш сціплы кінафестываль не меў пампезнасці канскага, урачыстасці беларускага “Лістапада”, але ж, паверце, далёка ім да нашай палескай шчырасці, душэўнай утульнасці, сардэчнай цяплыні, — падзялілася ўражаннямі Жанна Верыч.

Творчыя работы былі прадэманстраваны ў школах на бацькоўскіх сходах, а пазней з гэтых матэрыялаў будзе створана відэакніга, якая стане настаўнікам добрым метадычным падспор’ем пры вывучэнні паэм “Новая зямля” і “Сымон-музыка”.