Сідорскі: Беларусь разлічвае на захаванне ў 2011 годзе цэн на газ на ўзроўні 2010-га

Источник материала:

«Мы адстойвалі пазіцыю, каб у 2011 годзе для Беларусі былі максімальна захаваны цэны 2010 года», — сказаў Сідорскі. З 1 студзеня 2011 года газ для Беларусі павінен ісці па формуле з каэфіцыентам 1, падкрэсліў ён і дадаў, што на апошніх сустрэчах са старшынёй урада Расіі Уладзімірам Пуціным беларускі бок адстойваў гэтую пазіцыю.

«Мы зыходзім з таго, што сёння і на спотавым рынку, і ў ЕС цэны на газ для той жа Германіі на 15–20% ніжэй, чым мы сёння маем па тых кантрактах, якія ёсць у нашых краінах», — адзначыў Сідорскі. «Газпром» дазволіў у кантракце ў Германіяй закупляць частку газу не ў «Газпрома», а на спотавым рынку. А закупка газу на спотавым рынку, не ў «Газпрома», па больш нізкіх цэнах — гэта рэальнасць. Такім чынам, цана газу на 15–20% ніжэй», — сказаў прэм’ер-міністр. На падставе гэтага беларускі бок настойвае на захаванні цэн на газ, якія дзейнічалі ў 2010 годзе.

Зараз Беларусь купляе газ прыкладна па 193 долары. Пра тое, што цана газу для Беларусі на 2011 год складзе 210–220 долараў за тысячу кубаметраў, раней заяўляў першы намеснік прэм’ер-міністра Уладзімір Сямашка.

У некаторых СМІ таксама з’яўляліся паведамленні, што ў 2011 годзе расійскі газ для Беларусі будзе каштаваць 250 долараў за тысячу кубаметраў.