Цудоўна жывём — здароўе беражом

Фэстываль «Маладосць. Здароўе. Прыгажосць» пройдзе ў гэтыя выхадныя ў гарадскім пасёлку Радашковiчы на базе САК «Брыганціна».

У ім прымуць удзел 16 каманд, у якія ўвойдуць работнікі прадпрыемстваў Фрунзенскага раёна сталіцы.

Актыўныя маладыя людзі, чыё жыццёвае крэда — «Цудоўна жывём — здароўе беражом» прымуць удзел у камбінаванай спартыўнай эстафеце, спаборніцтвах па настольным тэнісе, дартсе і плаванні. Акрамя гэтага, запланаваны творчыя конкурсы: удзельнікі фестывалю пакажуць візітоўку, праспяваюць і пазмагаюцца за званне самай дружнай каманды.