Напярэдадні дня медыцынскіх работнікаў
у Нясвіжскай цэнтральнай раённай
бальніцы адбылося святочнае
мерапрыемства з гэтай нагоды.
![](http://www.21.by/pub/news/2019/07/1562316005695849.jpg)
Падзячнае пісьмо старшыні Нясвіжскага
райвыканкама яго намеснік Аляксандр
Балцянкоў уручыў медыцынскай сястры
(старшай) прыёмнага аддзялення райбальніцы Дыяне Давыдзенка за добрасумленную працу, прафесіяналізм, важкі ўклад
у арганізацыю работы па захаванні
і паляпшэнні здароўя насельніцтвам шляхам правядзення лячэбна-прафілактычных
і аздараўленчых мерапрыемстваў
Ва ўпрыгожанай зале, напоўненай водарам кветак, сабраліся лепшыя з лепшых — загадчыкі аддзяленняў, урачы, медыцынскія сёстры, фельчары, ветэраны працы.
З віншавальнымі словамі да сваіх падначаленых звярнулася галоўны ўрач установы Людміла Квецень:
— Вы выбралі самую цяжкую, самую патрэбную і самую гуманную прафесію. Тут знаходзяцца людзі, якія ёй верныя, якія заўсёды побач з тымі, каму цяжка.
Людміла Васільеўна шчыра падзякавала прысутным за працу, пажадала, каб кожны наступны дзень станавіўся лепшым за папярэдні, каб заўсёды збываліся мары, побач было плячо сябра і сагравала любоў блізкіх.
![](http://www.21.by/pub/news/2019/07/1562316005840782.jpg)
Ганаровай граматай Нясвіжскага раённага Савета дэпутатаў за шматгадовую добрасумленную працу, прафесіяналізм
і значны асабісты ўклад
у развіццё сістэмы аховы
здароўя быў узнагароджаны загадчык міжраённага
ўралагічнага аддзялення
Нясвіжскай ЦРБ Ігар Жукаў
![](http://www.21.by/pub/news/2019/07/1562316005860794.jpg)
Людміла Квецень віншуе медыцынскую
сястру па фізіятэрапіі аддзялення
медыцынскай рэабілітацыі ЦРБ
Наталію Сякержыцкую
![](http://www.21.by/pub/news/2019/07/1562316005893492.jpg)
Сярод узнагароджаных Граматамі
УЗ “Нясвіжская ЦРБ” — медыцынскі
рэгістратар паліклінікі Алена Гаціла,
сястра-гаспадыня Святлана Бурновіч і ўрач-афтальмолаг Марына Варвашэня
![](http://www.21.by/pub/news/2019/07/1562316005920712.jpg)
Ветэраны працы В.Э. Рудкоўскі, урач агульнай практыкі, загадчык
Ударненскай амбулаторыі,
і Н.М. Петрыкевіч. Кветкі і падарунак уручае старшыня прафкама Ала Мудрая
Да ўвагі прысутных Л.В. Квецень прапанавала відэасправаздачу аб шэрагу падзей і мерапрыемстваў з удзелам медыкаў, што адбыліся ва ўстанове і прайшлі за яе сценамі на працягу года.
Ад імя раённай улады па-віншаваў медыцынскіх работні-каў з прафесіянальным святам намеснік старшыні Нясвіжскага райвыканкама Аляксандр Балцянкоў. Ён пажадаў людзям у белых халатах моцнага здароўя, сямейнага дабрабыту і дастойнага заробку.
![](http://www.21.by/pub/news/2019/07/1562316005951355.jpg)
Цудоўным голасам
парадаваў публіку выхаванец Нясвіжскай ДШМ
Ілля Драбатун
![](http://www.21.by/pub/news/2019/07/1562316005969035.jpg)
На сцэне — ансамбль песні “Каларыт” Сноўскага СЦК
Далучылася да віншаванняў і старшыня пярвічнай прафсаюзнай аргані-зацыі райбальніцы Ала Мудрая. Разам з Л.В. Квецень і А.М. Балцянковым яна правяла цырымонію ўзнагароджвання лепшых медыцынскіх работнікаў раёна, якім былі ўручаны Ганаровыя граматы, аб’яўлены па-дзякі, адрасаваны Падзячныя пісьмы розных ведамстваў, многія атрымалі каштоўныя падарункі, грашовыя прэміі. Музычным падарункам медыкам сталі выступленні народнага ансамбля песні “Акцэнт” і ансамб-ля песні “Каларыт” Сноўскага СЦК, а таксама выхаванца Нясвіжскай дзіцячай школы мастацтваў Іллі Драбатуна.
Вольга КАНДРУКЕВІЧ.