Меры касцёла ў сувязі з эпідэміялагічнай сітуацыяй у свеце. 21.by

Меры касцёла ў сувязі з эпідэміялагічнай сітуацыяй у свеце

Размер текста:
A
A
A

Источник материала: Вороновская газета

Меры касцёла ў сувязі з эпідэміялагічнай сітуацыяй у свеце

У сувязі з няпростай эпідэміялагічнай сітуацыяй у свеце каталіцкі Касцёл у Беларусі ўвёў некаторыя меры, якія тычацца паводзінаў вернікаў у храмах i падчас Вялікага посту.

Згодна з распараджэннем старшыні канферэнцыі каталіцкіх біскупаў у Бeлapyci ў парафіях дзейнічаюць прафілактычныя санітарныя меры.

  1. Ушанаванне крыжа i іншых рэліквій адбываецца не праз дотык i цалаванне, а праз паклон цi ўкленчванне.
  2. У касцёлах крапільніцы не напаўняюцца вадой.
  3. На ваконцах спавядальніц павінен быць усталяваны ахоўны матэрыял, які трэба пастаянна дэзынфіцыраваць i змяняць.
  4. Падчас імшы знак супакою перадаецца не праз поціск рук, а схіленнем галавы.
  5. Духоўныя асобы i міністранты перад імшой павінны вымыць рукі і захоўваць нормы гігіены.
  6. Духавенства і вернікі павінны старанна выконваць распараджэнні кампетэнтных органаў свецкай улады, асабліва службы аховы здароўя і грамадскага парадку, у захаванні нормаў гігіены і выкарыстання іншых сродкаў, якія імкнуцца прадухіліць распаўсюджанне эпідэміі.

Гэта распараджэнне, як i паведамленне біскупа Гродзенскага Аляксандра Кашкевіча святары зачыталі вернікам падчас імшы.

З 20 сакавіка на тэрыторыі Гродзенскай дыяцэзіі ўведзены некаторыя меры: не ўдзельнічаць у святой ішшы дазваляецца пажылым вернікам, асобам з сімптомамі віруснай інфекцыі, дзецям і падлеткам разам з тымі, хто імі непасрэдна апякуецца, а таксама людзям, якія адчуваюць страх заражэння каронавірусам. Яны павінны далучацца да трансляцыі імшы з дапамогай сродкаў масавай інфармацыі.

Таксама каталіцкі Касцёл заахвочвае ўcіx вернікаў маліцца аб прадухіленні гэтай хваробы i ахвяр, да якіх яна можа прывесці.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
У сувязі з няпростай эпідэміялагічнай сітуацыяй у свеце каталіцкі Касцёл у Беларусі ўвёў некаторыя меры, якія тычацца паводзінаў вернікаў у храмах i падчас...
 
 
 

РЕКЛАМА

Архив (Новости Здоровья)

РЕКЛАМА

© 2004-2020 21.by
Яндекс.Метрика