Масквiчку Алену Батурыну з снежнага палону на Гомельшчыне выратаваў дырэктар мясцовага сельгаспрадпрыемства

Источник материала:

У Гомельскай вобласцi дырэктар сельскагаспадарчага прадпрыемства ў лiтаральным сэнсе выратаваў з снежнага палону дзвюх жыхарак Масквы — Алену i Ганну Батурыных.

Машыну масквiчак на слiзкай дарозе занесла, i аўтамабiль апынуўся ў заснежаным кювеце. Усе спробы самастойна выехаць на трасу аказалiся беспаспяховымi. Сiтуацыя ўскладнялася: сцямнела, слупок тэрмометра апусцiўся да мiнус 20 градусаў. Акрамя таго, у расiянак не было магчымасцi скарыстацца сотавай сувяззю. Жанчыны, якiя адчаялiся, запанiкавалi.

Ім вельмi пашанцавала, што па гэтай дарозе праязджаў дырэктар ААТ "Саўгас-камбiнат "Сож" Анатоль Татарынаў. Ён хутка арганiзаваў буксiроўку транспарту расiянак. Пасля адвёз iх на цэнтральны двор, бясплатна накармiў i ўладкаваў у гасцiнiцу. Наступнай ранiцай Алена Батурына i яе спадарожнiца прадоўжылi свой шлях.

Гэта жыццёвая гiсторыя нiколi не стала б здабыткам грамадскасцi, калi б не пiсьмо ўдзячных расiянак на адрас старшынi Гомельскага аблвыканкама Аляксандра Якабсона. Iх уразiлi вялiкадушнасць i спагадлiвасць незнаёмага чалавека, якi бескарыслiва i ад усяго сэрца прапанаваў дапамогу ў цяжкi для iх момант. "У наш час усё часцей даводзiцца разлiчваць толькi на самiх сябе. Як правiла, не ведаеш, да каго звярнуцца па дапамогу, калi прыйшла бяда... Але ў гэтай сiтуацыi дапамога прыйшла да нас сама. Цяжка перадаць, наколькi вялiкую ўдзячнасць мы адчуваем!" — адзначаецца ў пiсьме.

Валерый СIДОРЧЫК, БЕЛТА.