У Баранавіцкім раёне знойдзены труп нованароджанага хлопчыка

Источник материала:

Як высветлілася ў ходзе расследавання, 28 красавіка каля шасці раніцы 35‑гадовая жыхарка сельскага населенага пункта рэгіёну нарадзіла дзіця ў хляве ў двары свайго дома. Цела немаўляці без бачных прыкмет гвалтоўнай смерці ў гэты ж дзень прыкладна праз дзве гадзіны знайшоў яе сужыцель.

Праверку па гэтым факце праводзіць пракуратура Баранавіцкага раёна.

У жанчыны ўжо ёсць трое дзяцей. Паводле папярэдніх звестак, яна ўтойвала цяжарнасць ад свайго грамадзянскага мужа. Прычыну смерці нованароджанага ўстановіць судова‑медыцынская экспертыза. Жанчына шпіталізавана ў баранавіцкі радзільны дом.

Ларыса Шыганава, БелаПАН