Кіраўнік сталічнай гандлёвай сеткі падазраецца ў буйных крадзяжах

Источник материала:

Пра гэта паведамілі ў аддзеле інфармацыі і грамадскіх сувязяў ГУУС Мінгарвыканкама.

Праверачныя мерапрыемствы ў дачыненні да дырэктара сеткі праводзілі аператыўныя супрацоўнікі аддзела па барацьбе з эканамічнымі злачынствамі Цэнтральнага РУУС. Справа распачата на падставе ч. 4 арт. 210 Крымінальнага кодэкса (крадзеж шляхам злоўжывання службовым становішчам у асабліва буйным памеры).

Спосабаў «заробку» міліцыянеры выявілі некалькі. Напрыклад, дырэктар складала загадзя несапраўдныя дагаворы падраду з фізічнымі асобамі на выкананне розных работ. Прычым і работы фактычна не выконваліся, і людзі, якія па дакументах іх выконвалі, на аб’ектах гандлёвай сеткі ніколі не працавалі.

Яшчэ некалькі эпізодаў звязаны з арганізацыяй выязнога сезоннага гандлю. Было ледзь ці не нармальнай практыкай, калі выдача тавару адбывалася без таварна-транспартных накладных, а атрыманая выручка ў касу не ўносілася, перадавалася дырэктару.

Жанчына магла проста ўзяць з касы магазінаў грошы нібыта на выплату нейкага крэдыту ці на якія-небудзь гаспадарчыя патрэбы.