Злодзей заснуў... на месцы злачынства

Источник материала:

А дакладней, у вясковай краме ў Смаргонскім раёне, куды ён забраўся вечарам, разабраўшы цагляную муроўку сцяны.

Прадукты выкідваліся на вуліцу праз разбітае акно, аднак у нейкі момант злодзей вырашыў... павячэраць. А паколькі хапала і ежы, і спіртнога, дык так набраўся, што тут жа, на месцы злачынства, і заснуў. Аператыўнікі, якія прыехалі раніцай па званку прадаўшчыцы, выявілі зламысніка ў складской шафе, дзе яго тут жа выдаў моцны храп. Заведзена крымінальная справа, прычым высветлілася, што ў свае 20 гадоў хлопец ужо быў судзімы за аналагічнае злачынства.

Барыс ПРАКОПЧЫК.

Любоў да гульні ў казіно звяла ў Гомелі двух грамадзян Расіі і аднаго — Лівана. Але ж на той жа глебе яны і пасварыліся. Вядома, што жыхары Ніжняга Ноўгарада пад пагрозай нажа завалодалі пашпартам іншаземнага былога студэнта адной з гомельскіх ВНУ, дзвюма сім-картамі і 1 млн 600 тысячамі беларускіх рублёў. Мужчын, раней асуджаных за рабаванне і спробу забойства, затрымалі. Канфіскавана і частка выкрадзенага.

Ірына АСТАШКЕВІЧ.