Начная паездка ў краму

Источник материала:

У Бабруйску 26 снежня, пяццю хвілінамі пазней поўначы, 36-гадовы гараджанін на аўтамабілі "Фальксваген Пасат" на вуліцы Арлоўскага не выбраў бяспечную хуткасць руху, не справіўся з кіраваннем і ўехаў... у будынак крамы. Вадзіцель і тры яго пасажыры атрымалі траўмы рознай ступені цяжару.

Увогуле за святочныя выхадныя дні на дарогах Магілёўскай вобласці адбыліся ДТЗ, у якіх два чалавекі загінулі і яшчэ некалькі атрымалі траўмы. Як паведаміла Магілёўская ДАІ, 25 снежня ўвечары ў Кіраўскім раёне 21-гадовы вадзіцель на "Аўдзі-6" паблізу вёскі Букіна пайшоў на абгон "МАЗа" і наехаў на 89-гадовую жанчыну, якая пераходзіла ў той момант дарогу. Бабулю ад удару выкінула на прычэп "МАЗа", і яна памерла на месцы.

У Шклоўскім раёне ўвечары 24 снежня аўтамабіль збіў пешахода. У вёсцы Новыя Чамаданы "Форд Эскорт" наехаў на мужчыну, які стаяў ля краю дарогі, і яго з траўмамі даставілі ў раённую бальніцу. А за рулём аўтамабіля знаходзіўся, як высветлілася, 23-гадовы шкловец, які быў раней пазбаўлены вадзіцельскага пасведчання.

Дым убачыў вартаўнік, ён выклікаў МНС. Пасля таго, як выратавальнікі ўтаймавалі полымя, былі знойдзены абгарэлыя целы двух рабочых. Пазней высветлілася, што будаўнікі, аднаму з якіх крыху за 20, другому — трохі за 30, напярэдадні атрымалі зарплату, прыхапілі пасля работы спіртное і накіраваліся ў бытавы вагончык. Дома яны папярэдзілі, што застаюцца на "начную змену". Далейшыя дэталі інцыдэнту высвятляе следства. У абаіх засталіся малыя дзеці. Заведзена крымінальная справа.

Калінкавіцкі індывідуальны прадпрымальнік яшчэ ўвосень паабяцаў двум жыхарам Мазыра, што ўстановіць ім новыя вокны ПВХ. Прайшло некалькі месяцаў, і грамадзяне зразумелі, што махляр з грашыма знік. Яны напісалі заяву ў міліцыю. Па той жа схеме "працаваў" яшчэ адзін ашуканец-прадпрымальнік, і зноў з Калінкавіч, які заключыў з аднымі дамову на вокны, з другімі  — на мэблю. Узяў каля Br3 млн і адбыў у невядомым напрамку. У прэс-службе УУС Гомельскага аблвыканкама расказалі і пра двух прыватных прадпрымальнікаў з Гомеля, якія "развялі" грамадзян аналагічным чынам.