Пенсіянер з Вілейскага раёна не вярнуўся дадому

Аддзяленне крымінальнага вышуку Вілейскага РАУС шукае зніклага без вестак 73-гадовага Мікалая Акуліча, жыхара вёскі Любань, які 10 лістапада пайшоў з дому і цяпер яго месцазнаходжанне невядомае.

Мікалай Архіпавіч Акуліч. Нарадзіўся ў 1938 годзе ў вёсцы Застарынне Бешанковіцкага раёна Віцебскай вобласці. Жыў у Любані Вілейскага раёна.

Прыкметы: на выгляд 80 гадоў, хударлявага целаскладу, рост 160-165 см, валасы сівыя кароткія.

Быў апрануты ў зімовую куртку колеру хакі, з каўняром, чорную спартыўную шапку з белым арнаментам, цёмна-сінюю байку на замку, светла-карычневую кашулю з кароткім рукавом, штаны жоўтыя, зялёныя гумовыя боты.

Пры сабе меў гадзіннік “Луч”, белую тканінную сумку. Ходзіць, абапіраючыся на палку. Кульгае.

Калі вы маеце якую-небудзь інфармацыю пра Мікалая Акуліча, звярніцеся, калі ласка, у Вілейскі РАУС па тэлефонах: 8-01771-56462, 36348, 54100 або ў бліжэйшы аддзел міліцыі па тэлефоне 102.