У пажары загінуў пенсіянер

Источник материала:

Суседка заўважыла, што з вокнаў дома ідзе чорны дым і вызвала выратавальнікаў. 

Калі яны прыехалі, у доме было моцнае задымленне, гарэлі рэчы, што знаходзіліся ўнутры. На канапе знайшлі труп 61-гадовага  гаспадара дома.

З-за пажару часткова пашкоджаныя сцены, столевае перакрыццё і канапа.

Сам дом драўляны, дах у яго шыферны. Будынак электрыфікаваны.

Прычыны і абставіны пажару высвятляюцца.

Пра здарэнне паведаміла інспектар прапаганды і навучання Смаргонскага раённага аддзела па надзвычайных сітуацыях Надзея Гіль.

Вольга ЮРКЕВІЧ.

Фота забяспечана Надзеяй ГІЛЬ.