На Вілейшчыне чатырохгадовы хлопчык падпаліў суседскі хлеў

30.07.2013 — ЧП |

Размер текста:: A; A; A

Источник материала:

Пажар здарыўся ў вёсцы Лыцавічы 29 ліпеня а шостай гадзіне вечара.

– Чатырохгадовы хлопчык па неасцярожнасці падпаліў суседскі хлеў, – кажа інспектар Дзяржпажнагляду Вілейскага райддзела па надзвычайных сітуацыях Андрэй Балаш.

Пра тое, што хлопчык бегаў з запалкамі, выратавальнікам расказаў яго чатырохгадовы сябар. Як яны аказаліся ў дзіцяці, пакуль невядома.

Дзеці без нагляду бацькоў гулялі ў двары. У нейкі момант і загарэўся хлеў.

Выратавальнікі, якіх выклікала суседка, досыць хутка справіліся з агнём.

Дзецям і іх бацькам супрацоўнікі МНС прачыталі лекцыю аб пажарнай бяспецы.

Вольга ЮРКЕВІЧ.

Фота saint-petersburg.ru