Сем пабудоў згарэлі ў вёсачцы на Мядзельшчыне з-за выпальвання травы

Источник материала:

Фота mchs.gov.by

У нядзелю, 6 красавіка, пасля 14 гадзін з маленькай вёскі Халмоўка паведамілі, што ля населенага пункта гарыць трава.

З-за моцнага ветру агонь распаўсюджваўся вельмі хутка і неўзабаве перакінуўся на будынкі. Па трывозе абвясцілі збор асабовага складу Мядзельскага райаддзела па надзвычайных сітуацыях, на тушэнне пажару прыехалі выратавальнікі з Вілейскага і Маладзечанскага раёнаў.

Усяго ў Халмоўку накіраваліся 15 адзінак тэхнікі.   

Фота mchs.gov.by

У выніку агнём знішчаны жылы дом, лецішча, дзве лазні і тры хлява. Ад далейшага распаўсюджвання агню ўдалося выратаваць чатыры дамы, паведаміў інжынер Дзяржпажнагляду Дзяніс Малько.

Мяркуецца, што пажар адбыўся з-за выпальвання сухой травы. Вінаватыя асобы ўстанаўліваюцца.

За выхадныя на Мядзельшчыне адбыліся чатыры пажары з-за выпальвання травы.