Заява Каардынацыйнага камітэта беларусаў Канады: Душаць светлае ў Беларусі

Источник материала:

Заява Каардынацыйнага камітэта беларусаў Канады

Правакацыі, у выніку якіх адбыліся злачынныя напады на кандыдатаў у прэзідэнты, арышты і збіццё мірных людзей, сярод якіх пераважна моладзь, хлуслівае асвятленне падзеяў дзяржаўнымі СМІ, глумленне над святымі для кожнага свядомага беларуса сімваламі — усё гэта звёны аднаго ланцугу, які душыць усё самае светлае, самае шчырае ў краіне.

Каардынацыйны камітэт беларусаў Канады выказвае рашучы пратэст супраць пераследу тых, хто па-сапраўднаму любіць Беларусь і змагаецца за яе незалежнасць і дэмакратычныя, свабодныя выбары, за яе будучыню, у якой не будзе месца хлусні, гвалту і здзеку.

Мы заклікаем дэмакратычныя сілы свету асудзіць крывавы рэжым Лукашэнкі і падтрымаць тых, хто змагаецца за свабоду і справядлівыя выбары ў Беларусі.

Каардынацыйны камітэт беларусаў Канады

20 снежня 2010 г.