Гісторыя ажывае

Источник материала:

У Гомельскім дзяржаўным універсітэце адкрыўся археалагічны музей-лабараторыя
Музей уключае дзве залы, дзе выстаўлены шматлікія экспанаты, сабраныя выкладчыкамі і студэнтамі гістарычнага факультэта пад час археалагічных практык і навуковых экспедыцый. Дзякуючы гэтым знаходкам музей паўнавартасна адлюстроўвае гісторыю гомельскага краю, пачынаючы з эпохі палеаліту і заканчваючы сучаснасцю. Гэты паўднёва-ўсходні рэгіён краіны мае ўнікальныя асаблівасці. Так, самыя старажытныя стаянкі эпохі каменнага стагоддзя на тэрыторыі Беларусі былі знойдзены менавіта ў Гомельскай вобласці — ля вёсак Бердыж Чачэрскага і Юравічы Калінкавіцкага раёнаў.