Хто шукае: чытач Корсак, Вілейка. Каго шукае: Тамару Барысаўну Грынцэвіч. “У 1944 годзе ў Куранецкую раённую кантору сувязі Вілейскай вобласці была накіравана тэлеграфісткай Тамара Барысаўна Грынцэвіч. Я пасля ФЗА прыехаў у Вілейскую кантору сувязі. У 1947 годзе Куранецкі раён ліквідавалі, і Тамара стала працаваць у нас. Затым яна паступіла ў Гродзенскі педагагічны інстытут, а мяне прызвалі на службу ў армію. Мы з Тамарай перапісваліся, а потым страцілі сувязь. Чуў, што пасля вучобы ў інстытуце яе накіравалі на працу настаўніцай у Іўеўскі раён, на Гродзеншчыну. Вельмі хачу даведацца пра яе лёс”, — піша чытач Корсак.
Хто шукае: Лідзія Ціханаўна Карусева. Каго шукае: Мікалая Маткоўскага. “Хачу даведацца, як склаўся лёс былога салдата, Мікалая Маткоўскага. У 1948—1950 гадах ён служыў у Беларусі ў лётным батальёне са сваім земляком Васілём Мурзаком. Абодва звольніліся ў маі 1950 года. Маткоўскі паехаў дадому, у Малдавію. Адрас не памятаю. Ведаю, што працаваў старшынёй сельсавета. А яго сябар, Васіль, застаўся з маёй сяброўкай, Валянцінай Пракушэнкавай, якая ў той час працавала бухгалтарам у Жалудоцкай райветлячэбніцы. Яны згулялі вяселле. У канцы 1951 года я паехала ў Магілёўскую вобласць, і сувязь з імі абарвалася. Нягледзячы на тое што з таго часу мінула 60 гадоў, спадзяюся, што даведаюся пра іх лёс. З павагай, Лідзія Ціханаўна, дзявочае прозвішча Карусева”.
Главная
Гороскопы
