Мужчына, якому выдалі лішнія 905 новых рублёў, вярнуў грошы ў банк

Кліент аднаго з мінскіх банкаў, якому выдалі лішнія 905 новых рублёў, вярнуў грошы. Інцыдэнт здарыўся 7 ліпеня. Мужчына мяняў 9,5 тысячы долараў на беларускія рублі ў банкаўскім аддзяленні па вуліцы Няміга. Падчас абмену касірка памылілася і аддала кліенту 20 тысяч новых рублёў замест 19 095.

Калі выявілася нястача, банкаўскія супрацоўнікі спачатку спадзяваліся, што кліент прыйдзе сам, але гэтага не здарылася. Таму яны звярнуліся ў міліцыю, а тая размясціла інфармацыю аб пошуку ў СМІ.

У выніку мужчына сам прыйшоў у банк і вярнуў грошы — ён даведаўся з прэсы, што яго шукаюць. Цяпер банк не мае да яго ніякіх прэтэнзіяў, перадае прэс-служба ГУУС Мінгарвыканкама.