У Гомелі вынеслі прысуд групе прадаўцоў спайсаў: ад 10 да 15 гадоў

У Гомелі вынеслі прысуд групе прадаўцоў спайсаў. Пад суд трапілі 10 чалавек, усе яны не старэйшыя за 23 гады. Шэсць чалавек — жыхары Гомеля, 2 — Мазыра, 1 — расіянін, 1 — украінка. Маладыя людзі былі завербаваныя ў групу праз інтэрнэт, многія з іх да арышту нават не ведалі адзін аднаго. Лідарам быў 23-гадовы грамадзянін Расіі. Ён арганізаваў продаж спайсаў у Гомелі і Гомельскай вобласці пры дапамозе сваёй інтэрнэт-крамы.

Як інфармуе тэлеканал АНТ, суд Чыгуначнага раёна Гомеля вынес абвінавачаным пакаранне ў выглядзе працяглых тэрмінаў зняволення (ад 10 да 15 гадоў пазбаўлення волі) з канфіскацыяй маёмасці.